@jeejzvlog: * قرية عين حوض المهجّرة/ עין הוד / Ein Hod village 📍 شاركونا بالتعليقات شو بتعرفوا عن عين حوض؟ كنتوا هون من قبل؟ اقروا الكابشن👇 _____________ هالقرية اسمها عين حوض مكان بتحسّوه واقف بين الماضي والحاضر. اللوحات اللي غاد هون هي مش بس فن، هاي قصة ناس، بيوت، وذاكرة! اليوم كل زاوية فيه بتحكي لون، شكل، وحكاية. الموقع الأصلي لعين حوض تحوّل اليوم من قرية بسيطة لمكان سياحي يُعرف باسم “قرية الفنانين”. البيوت القديمة اتجدّد جزء منها، وصارت بيوت فنانين، معارض فنية صغيرة، مطاعم وكافيهات. أهل عين حوض الأصليين كانوا يعتمدوا على الزراعة وتربية المواشي بحياتهم اليومية. وأكثر شي اشتهروا فيه هو زراعة الزيتون والخروب. بسبب كثرة أشجار الزيتون في القرية، كان فيها معصرتين زيتون، بالإضافة لزراعة الخروب وصناعة الفحم من طبيعة المنطقة. _____________ * شو ممكن تعملوا بعين حوض؟ 1. مسار مشي بين البيوت الحجر القديمة والأزقّة الضيّقة. 2. جاليريات ومعارض فنية صغيرة لفنانين محليين. 3. قعدة بكافيهات هادية بجو بسيط ولطيف. 4. مشروب أو قهوة مع إطلالة على الطبيعة حوالين القرية. 5. تصوير صور حلوة للبيوت القديمة والشبابيك الملوّنة والزرع. 6. مسار قصير حوالين القرية بين أشجار الزيتون ومساحات خضرا. 7. شراء قطع فنية أو تذكارية مصنوعة يدويًا. 8. جلسة رايقة بس تقعدوا وتسمعوا المكان. ____________________ اسم “عين حوض” جاي من العين (النبع) والحوض (المكان اللي بتتجمع فيه المي). القرية موجودة على سفح منحدر من جبل الكرمل، جنوب شرق مدينة حيفا. يُعتقد إنها تأسست على يد أحد أفراد أسرة أبو الهيجاء. في نهاية العهد العثماني وقبل 1948، كانت القرية مزروعة وأهلها يشتغلوا بالزراعة. عام 1945 كان عدد سكانها تقريبًا 650 شخص، وأراضيها كانت واسعة ومزروعة. بعد التهجير، أسّس أهل القرية قرية جديدة بنفس الاسم “عين حوض” قرب الموقع الأصلي. ______________ #عين_حوض #fyp #explore #طششني #حيفا_عكا_يافا_جنين_القدس_الخليل_سخنين

jeejzvlog

Open In TikTok:

Region: IL

Saturday 08 November 2025 14:52:59 GMT