@marwa.jawdatt: (( المقادير لقالب قطر 16 سنتمتر )) : - بسكوت دايجستف او بسكوت الشاي " 200 چرام " - زبدة دايبة " 100 چرام" - جبنة كريمية "400 چرام" - ساور كريم أو بمسمى تاني شمينت أو قشطة حامضة "200" چرام - ثُلث كوب معياري سكر أو ما يعادل " 120چرام" - حبتين بيض حجم وسط بحرارة الغرفة - ملعقة كبيرة ڤانيلا - كريمة سائلة حيوانية دسم عالي " 150 ميللي" - معلقتين كبار نشا - معلقة صغيرة عصرة ليمون. (((( طريقة الخبيز مهمة جداً)))) : - على فرن محمى مسبقاً على 170 فوق و تحت ، بخلي التشيز كيك فيه نص ساعة و ضروري جداً الحمام المائي . - بعد نص ساعة بقلل الحرارة ل 130 بس بفتح الفرن فتحة صغيرة مدة دقيقة و بعدين بسكره و بترك التشيز كيك كمان نص ساعة، و لو شفت المي نشفت بضيف كمان - بس تخلص النص ساعة التانية بطفي الفرن و بترك التشيز كيك في مدة نص ساعة - بس اطلعها من الفرن بتركها ساعة بحرارة الغرفة و بعدين بضبها بالتلاجة لتاني يوم (((( صوص الشوكولاتة اللي استخدمته هو نفسه اللي نشرتلكم وصفته في الريل السابق بس ضفت عليه شوية حليب و حركته منيح عشان يصير قوامه أخف))))) #تشيز_كيك #اكسبلور #newyorkcheesecake #cheesecake #explore
