في أول العلاقة كل حاجة بتكون حلوة.. تعرفوا على بعض، الضحك كتير، الكلام بيكون ساهل، وكل واحد بظهر الجانب الجميل في شخصيتو. بتحس إنكم طايرين من السعادة، مكالمات طول الليل، ووقتك كله للحب… وتنسى أصحابك، مسئولياتك، والناس الحوليك. لكن بعد فترة… العاطفة بتهدأ، والاهتمام بقل، والحاجات البتكون كبيرة في الأول بتصغر. العلاقة بتموت تدريجياً بدون ما تحس البدايات دايمًا بتكون جميلة بتبدأ العلاقة بكلمة بسيطة باهتمام صغير برسالة في وقت غير متوقع وفجأة بتلقى نفسك مبتسم من غير سبب وفرحان لأن في زول بيسأل عنك وبيخاف عليك وبيقول كلام لو ما سمعته من زمان في بدايات أي علاقة كل واحد بظهر أجمل ما عنده أدب احترام، حنان، رومانسية، واهتمام كله فوق بعض بتحس إنو الكوكب كله واقف علشان اللحظة دي مكالمات طويلة لحدي الفجر، رسائل ما بتوقف، صوتو بريحك، وضحكتو بتنسيك هموم الدنيا. وتدخل تدريجياً في مرحلة تتنازل فيها تأجل شغلك، تهمل أصحابك، تبعد من أهلك، وتدي كل يومك للشخص ده. وبتفتكر إنو ده الحب الحقيقي وإنو نهاية الحزن، وبداية السعادة. لكن الحقيقة؟ الانفعال الأول ما دايم والشعور القوي في البداية ما مقياس بعد فترة، المجهود بقل الكلام بسمع، الاهتمام بتراجع والعلاقة البتبدأ نار، ممكن تطفي بدون صوت. عشان كدا لازم نتعلم ما تتعلق سريع ما تدي كل المساحات مرة واحدة ما تبني حياتك على وجود زول وما تربط سعادتك بشخص لسه ما عرفت حقيقتو خلي العلاقة تمشي براحتها بدون اندفاع… بدون وعود كبيرة بدون أحلام أكبر من الواقع. لأنو التغيّر وارد… ومشاعر الزول اللي قدامك ممكن تتحول في أي لحظة. ولو يوم لقيت العلاقة ماتت، ما تتوجع قلوبكم زيادة لأنك كنت ماشي بعقلك قبل قلبك وما سلمت حياتك لشخص، وما علّقت سعادتك بوجود واحد في الدنيا لكن خليني أوريك قصة بسيطة زول واتعرف على بنت، كانت أجمل فترة في حياتو: كل يوم يسهر معاها لحدي الصباح، يصحى من النوم على رسالة منها وما في حاجة أهم منها في يومو. ضحى بأصحابه، قلل من شغلو، نسى نفسو لأنو كان شايف إنو دي البداية الصحيحة للحب. لكن مع الوقت الكلام بقى قليل، الردود بقت باردة والاهتمام بقى واجب تقيل. هو كان بسأل مالك؟ اتغيرتي ليه؟ وهي كانت بتقول مافي حاجة أنا بس مشغولة لحدي ما جاء اليوم القالوا فيه “نحنا أحسن كل واحد يمشي في طريقو هو انهار مو لأنه اتخلى عنها لكن لأنه اتخلى عن نفسه عشانها. أصحابو بعيدين، حياته واقفة، وقلبو موجوع. الحقيقة البدايات دايمًا بتكون قوية لكن الاستمرارية هي الفيها الامتحان الحقيقي. عشان كدا يا شباب ويا بنات: ما تتعلقوا سريع ما تبيعوا أنفسكم في أول أسبوع وما تخلوا العاطفة تقودكم بدون عقل الحب الحقيقي ما محتاج اندفاع… وما محتاج تضحيات أكبر من حجم العلاقة. خلو الأمور تمشي براحتها… لأنو الزول البينوي يكمل معاك، ما ح يختفي لما الحماس يقل… وما ح يتغير لما الأيام تمشي. والأهم أنتِ/أنتي ما محتاج تتعلق عشان تثبت إنك بتحب. العلاقة الصحية بتكبر براحتها… وبتثبت نفسها بالاستمرارية #عنوان_للمحبه_جبر_الخواطر_ #جخو،الشغل،دا،يا،عالم،➕_❤_📝إكسبلورر #سودانيز_تيك_توك_مشاهير_السودان #الشعب_الصيني_ماله_حل #مليون_مشاهدة❤🔥🔥🔥🔥🔥🔥 - @namosh116