@joq: Reshjet e dendura të shiut që kanë përfshirë sot Delvinën kanë shkaktuar probleme të shumta në disa zona të bashkisë. Përmbytjet kanë izoluar banorët e fshatit Vanë si edhe ata të lagjes Xhermëhallë, ndërsa raportohet për dëme të konsiderueshme në banesa dhe mjete. Sipas pamjeve të mbërritura në redaksinë tonë, ujërat e rrëmbyer kanë sjellë një sasi të madhe inertesh dhe gurësh mbi automjete, ndërsa balta ka mbuluar të gjithë zonën, duke e bërë qarkullimin pothuajse të pamundur. Autoritetet lokale po monitorojnë situatën dhe pritet që të ndërhyjnë për normalizimin e gjendjes.