@ara.media.kaz: 🗣️«Қатын құтырған заман» деген ақынды жұрт сынап жатыр Ақын Бақыт Беделхан журналист Қанат Тілеуханға берген сұхбатында «қазір қатын құтырған заман» деген пікір айтқан. «Оларды кім құтыртты? Психологтар! Оның үстіне біздің билік оған мүмкіндік жасап берді. Отбасы туралы заң шығарды. Әйелді ұрғандар жауапқа тартылады. Оларды одан сайын құтыртты», – деді Беделхан. Ақынның бұл пікірін көрген жұрт әлеуметтік желіде оны сынап жатыр. Журналист Асылхан Мамашұлы «Ақын құтырған заман. Шынжырынан босаған ит дегені - қазақ қызы ғой. Оның ішінде сіз бен біздің апа, қарындас, қызымыз бар. Соларды аямайық дейді», – деп жазды. Ал медиа сарапшы Есенгүл Кәпқызы «сексист көзқарасқа жол берген» журналист Қанат Тілеуханның өзін сынап жазды. «Батыста Қанат секілді сексист сұхбатқа жол берген журналистер дисквалификацияға ұшырайды. Оларды қайтып журналистиканың маңайынан жүре алмайтындай етіп жазалайды. Ал бізде бұндай сексист журналистер мемлекеттік эфирдің тізгінін ұстап отырады. Өкінішті», – деді ол. Журналистің өзі бұл туралы әзірге пікір айтпады. Бірақ YouTube-ке жаңа шығарылымға шыққанын «Әйелдер қауымынан қорқып отырмыз» деп хабарлаған.

Ara Media

Open In TikTok:

Region: KZ

Thursday 20 November 2025 09:31:33 GMT