@juzmedia: Директор мектепке барған журналистерді қарулы күзетпен қуып шықпақ болды. Петропавл қаласындағы 44-ші орта мектепке түсірілімге барған журналистерді білім ошағының әкімшілігі қарулы күзетпен қуық шықпақ болды. Бұл жөнінде Қазақстан Ұлттық арнасының тілшісі Эльмира Кәленова әлеуметтік желіде жазба жариялады. Жұмысшы кентінде орналасқан мектеп орталық жылыту жүйесіне қосылмаған. Әлі күнге көмір жағып отырған көрінеді. Журналистер осы мәселені көтермек болған. «Мектеп әкімшілігі түсірілімге кедергі жасағанымен қоймай, полиция мен қарулы күзет шақырды. Журналистерге мынадай қылық көрсеткен адам балалармен қалай жұмыс істейді», - дейді тілші. Петропавл қалалық 44-ші орта мектеп 1962-ші жылы ашылған. Сол кезден бері қазандық арқылы жылытылып отыр. Білім ошағында 530 бала білім алып жүр. Редакция аталған жағдайға байланысты қандай шара қолданытынын білу мақсатында Петропавл қалалық бөліміне ресми сауал жолдайды.

Juzmedia

Open In TikTok:

Region: KZ

Friday 21 November 2025 06:29:54 GMT