حابه اتكلم معاكم في يوم ميلادي اللي عملاله حفلة من الصبح ده بس كلام من القلب للقلب 🙈🥹😂 و بصراحة السنة دي غير اي سنة عندي و لقيت تعليقات منكم فعلا كاتبين حد ملاحظ ان اسما فرحانة من قلبها 🥹 هو بجد السنة دي غير اي سنة و يارب ابتدي سنة يتحقق فيها كلها ما اتمنى ، بس كنت عايزه احكي معاكم ليه السنة دي غير و ان فعلا اتغيرت في حاجات كتير اوي ، اولهم ان حبيت نفسي اكتر ده قرار اخدته من فترة كنت دايما بحب اللي حواليا اكتر و ده غيرته لان نفسك عليك حق و كلها ما تحبها كل ما الدنيا كلها تحبك ، اهتميت بنفسي اكتر بأكلي ببشرتي بشكلي عموما ، ما بقيتش اهتم مين فين ولا مش بيتكلم ليه ، أنا بهتم بنفسي بولادي بجوزي وبيتي واهلي دايرتي الصغيرة من اصحابي اكتر من كده لا أهتم 🥹☺️ و ده بان على صحتي صحتي بقت احسن ووشي نور 😂 بقيت كل لما افرح اتصدق ازعل اتصدق ربنا يرزقني اتصدق ميرزقنيش اتصدق ، فحقيقي لو فضلت احكيلكم من هنا لبكره ده هيعمل فيك ايه كشخص من كل شئ حلو في الدنيا مش هيكفي 🥹 ، بقيت ممتنه لكل شئ حواليا حاسه بقيمة كل شئ حواليا حاسة بقيمة نفسي اوي فبقيت اشكر ربي و احمده على الصغيرة قبل الكبيره بشكره ان بصحى من النوم وببتدي يوم جديد ده غيرني كتير ، بقيت نسخه افضل من نفسي مع زوجي واولادي ، بقيت نسخه افضل من نفسي مع نفسي ، و كمان مع دايرتي الصغننه اللي حواليا ، مبقتش أقبل أبدا بأي تقليل من شأني و شايفه نفسي استحق الأفضل دايما ، كنت بتغافل و مازلت بتغافل عن مضايقات و حاجات كتير بتحصل في الحياة عموما ما هي الحياة مش علطول وردي بس بقيت احط حدود للتغافل ده ممكن اعدي مرة واتنين لكن التالته تابته بقى 🤔😂 بقيت اقوى و فرحانة ان بقيت اقوى ، فبقيت اسعد الحمد لله يارب ، أنا ليه بحكي معاكم ده ، لان لقيت بنات كتير بيستمدوا من الطاقة الايجابيه الحمد لله و بنات كتير بيحبوا لما اكلمهم عن ازاي يحبوا نفسهم ويطوروا من شخصيتهم ، ف وانا ببتدي سنة جديدة حبيت اقولكم ان فيه سنة عدت كانت من اجمل سنين حياتي لاني غيرت كتير في شخصيتي والحمد لله أسعدتني ، ف ابدأي بنفسك طوريها شجعيها قوليلها انتي تستحقي تكوني افضل و احلى واجمل و انجح و اقوى و هتكوني بإذن الله 🥹 ادعولي دعوة حلوة بقى يوم ميلادي ♥️ - @asmaraouf