Жамбыл облысында 24 жастағы әскери қызметкер басына бөтелке жарам деп жанарынан айырылды, деп хабарлайды Almaty.tv. Оқиға ресми ант қабылдау рәсімі кезінде болған. Әскерилер қаз-қатар сапқа тұрып, бастарына бөтелке жарған. Сол сәтте Жақсылық Молдақұлдың трюгі сәтсіз шығып, басынан қан тоқтамай, көзі қарауытқан. Шашылған шыны тіпті оның жанарын тіліп кеткенге ұқсайды. Ал туыстары болған жағдайдан әскерилер бірде-бір рет хабар бермегенін айтты. Олардың айтуынша, Жақсылықты алдымен Жуалы аудандық ауруханаға апарып, басындағы жарақатын тігіп, кейін облыстық офтальмологиялық орталыққа жеткізген. Дәрігерлер қажетті ем-дом шаралары жасалғанымен көру мүшесін сақтап қалу мүмкін болмаған. - @malimkz