ခွဲစိတ်တဲ့ပညာကို ဝါသနာပါလွန်းလို့ ဆေးကျောင်းမှာတည်းက ခွဲစိတ်တာကိုပဲ ဦးစားပေးလေ့လာခဲ့တဲ့သူ၊ ရင်ခွဲရုံမှာဆို အလောင်းတွေကို သူပဲအများဆုံးခွဲစိတ်ခဲ့သူ ခွဲစိတ်ရမယ်ဆိုလာထား ရှေ့ကချည်း တက်ကြွနေတတ်တဲ့သူ ၊ ရင်ခွဲရုံစောင့်ကို လက်ဖက်ရည်တိုက်ရ ကွမ်းယာကျွေးရနဲ့ မျက်နှာလုပ်ခဲ့ရသူ ။ ငယ်ငယ်က သထုံနယ်တဝိုက်မှာ ကျိကျိတက် ချမ်းသာတဲ့ သူဌေးသားလေး ၊ ပညာလည်းတော်တော့ ဆေးကျောင်းရောက် အဲ့အချိန် တကယ့်ဆရာဝန်တွေတောင် ကားမစီးနိုင်သေးချိန် သူက ကိုယ်ပိုင်ကားနဲ့ ကျောင်းတက်နေပြီ ။ ဘဝအချိုးကွေ့မှာ ကိုယ်ကအမြင့်မှာပေမယ့် အနှိမ်ခံရသူတွေအတွက် တိုက်ပွဲဝင်ခဲ့သူ ။ အမှန်တရားအတွက်ဆို ခေါင်းမာလွန်း အထက်က လူတွေကို ပြန်တိုက်လွန်းလို့ လူကြီးတွေရဲ့အမုန်းခံရလည်း အပြုံးမပျက်တဲ့သူ ။ လူကြီးတွေရဲ့မျက်နှာမရတော့ သင်္ဘောဆရာဝန်ဘဝရောက် ၊ ပြီးတော့ ထားဝယ်ဘက်ပို့ခံရ ၊ နောက်တော့သူ့ဆရာရှိတဲ့ မန္တလေးဆေးရုံရောက်ပြီး ဘဝတည်ငြိမ်တော့မှ ရန်ကုန်က မတော်တဆမှုအတွက် သူ့ကိုအပြစ်ပုံချခံရပြီး နာဂတောင်တန်း ခန္တီးကို ပို့ခံရသူ ။ သူ့ကိုပို့တဲ့ဆရာကို "ဆရာတောင်မရောက်ဖူးတဲ့ဒေသကိုပို့တဲ့အတွက် အဲဒီမှာ ကျွန်တော့်နာမည် သိန်းလှိုင် မြန်မာပြည်မှာကျော်ကြားစေရမယ် ဆရာ့ကိုပါ ရအောင်ခေါ်ပြမယ် "ဆိုပြီး ကြုံးဝါးခဲ့သူ တကယ်လည်း သူ့ကိုပို့တဲ့ဆရာကို တောင်ပေါ်ကို ရအောင်ခေါ်နိုင်သူ ။ သူက လူ့ပြည်မှာ ပေးဆပ်ဖို့ ခွဲစိတ်ဖို့ မွေးဖွားလာတဲ့ဆရာဝန် နာဂတောင်တန်းမှာ သူက ရှားမှရှားတဲ့ဆရာဝန် ၊ သူက သူ့လူနာတွေအတွက် ခွဲစိတ်ဓားကိုင်ထားတဲ့ နတ်ဘုရားတစ်ပါး ၊ လူနာတွေဆေးရုံမလာလို့ လူနာတွေရှိတဲ့တောင်တန်းတွေအထိ ဆေးလွယ်အိတ်တစ်လုံးနဲ့ လိုက်ကုသူ ၊ အစိုးရလခ ၅၇၅ ကျပ်မှာ ၇၅ ကျပ်ပဲ မိသားစုကိုအပ်ပြီး ၅၀၀ ကို ဆေးရုံမှာ ပြန်သုံးသူ ၊ လူနာအတွက် သူ့ခေါင်းကိုပင် အာမခံ အပေါင်ထားပြီး ခွဲပေးတဲ့ တကယ့်ဆရာဝန်ကြီး ။ အဲဒီ မြတ်နိုးဖွယ် တန်ဖိုးထားဖွယ်ကောင်းတဲ့ နတ်ဆရာကြီးအကြောင်းကို ဆရာညီပုလေးက ဝတ္ထုရေးတဲ့အခါမှာ အမျိုးသားစာပေဆုရရှိခဲ့ပါတယ် ။ မြန်မာ့စာပေသမိုင်းမှာ ဂုဏ်သိက္ခာကြီးမားတဲ့ဝတ္ထုပါ ။ review Crd #yeeyeebookshop #fyp #viral #ထက်မြက်တဲ့ဓားသွားပေါ်ကချိုမြမြပျားရည်စက် #creatorsearchinsights - @yeeyeebookshop