مريم روحي انتي يا بنتي وصحبتي وحبيبتي، يا أكتر نعمة الله عطاني ياها ، والشي الوحيد اللي كان يخلّيني أضل واقفة صار عمرك 4 سنين، وأنا لهلّقيت مش مستوعبة كيف كبرتي بحضني، وكيف مرّوا سنتين حرب وأنا ماسكاكي بقوة، خايفة عليكي من الدنيا كلها بس رغم الخوف، كنتي انتي الأمان كنتي حضني وقت ما كان إلي حضن. كبرتي معي خطوة بخطوة ما بعدتي عن قلبي ولا لحظة، إنتي مش بنتي بس إنتي صديقتي اللي بفضفضلها، اللي بتفهمني بنظرة، اللي بتخفف وجعي ببسمة صغيرة. عيد ميلادك يوم قررت أعوضك كل اللي راحت عليكِ بسنتين الخوف. عشان هيك عملتلك فستان مثل فستان الفرح لأنو يومك بالنسبة إلي هو الفرح الحقيقي. لأنو انتي عروسة عمري، ودنيتي، وفرحتي اللي مستحيل تشبه حدا. الله يكتبلك عمر مليان أمان وضحكة وراحة ويخلّيني دايمًا حضنك اللي بترجعي له، متل ما انتي حضني من أول يوم. كل سنة وإنتي قلبي اللي بيدقّ بدالي 🫂❤️ - @em.meme1