@laureine_khabbaz: “هل الأسبرتام فعلاً بيعمل سرطان؟” قبل كل شي… لازم نعرف إنو مش كل المُحلّيات بنفس السلة، وبين كل الموجودين، الأسبارتام وحدو فات بالجدل سنة 2023. الـ CIRC أهم هيئة بتصنّف المواد بحسب قوة الدليل على السرطان بتقسّم العالم لأربع مجموعات واضحة: Group 1: مواد مثبت إنها تسبب السرطان (التدخين، الكحول، الشمس، اللحوم المصنّعة). Group 2A: مواد مرجّح إنها تسبب السرطان (مثل اللحمة الحمراء). Group 2B: مواد ممكن تكون مسرطنة احتمال ضعيف، الدليل محدود، والنتائج غير حاسمة. وهون تحديدًا… دخل الأسبارتام. وهون لازم نوضّح: الدخول إلى Group 2B ما بيعني إنو المادة بتسبب سرطان عند الاستهلاك الطبيعي. بيعني فقط إنو ما فينا نستبعد احتمال ضعيف… مش إنو في خطر فعلي على حياتك اليومية. وكمان… تصنيف الـCIRC ما بيحكي عن الجرعة، ولا عن مستوى الأمان، ولا عن السياق اليومي للاستهلاك. وهون بيدخل دور الـ DJA ، واللي هوأصلًا 100 مرّة أقل من جرعة ما ظهر فيها أي خطر. وهيدا ليش التهويل غلط… وليش مساواة كل المُحلّيات ببعضها أسوأ من الجهل بحد ذاتو. ومع هيك، نعم: المشروبات المُحلّاة صناعيًا مانها “مثالية”. مش بسبب السرطان، بل بسبب أسئلة مفتوحة حول الجهاز الهضمي و microbiote. بس الأكيد، إنو اذا بدنا نقارنها بالمشروبات السكرية… من بعيد المشروبات يلي فيها محليات بتربح. لأن مشروب واحد سكّر يوميًا كافي يرفع: • خطر السمنة • خطر السكري • مشاكل القلب • الكبد الدهني • وتسوس الأسنان الخلاصة؟ دايمن اختاروا لoption لي ببعدكن عن السكر!!. #diet #health #Fitness #healthy #fit
