CDM ဆရာဝန်အမျိုးသမီးတစ်ဦးကို ပလဖအဖွဲ့က အကြမ်းဖက်ဖမ်းဆီး စစ်ကိုင်းတိုင်း၊ ကလေးခရိုင် မင်းကင်းမြို့နယ်မှာ CDM ဆရာဝန်တစ်ဦးဖြစ်တဲ့ ဒေါက်တာဒေါ်ခင်သူသူလွင်ကို နိုဝင်ဘာလ ၃၀ရက်မှာ မင်းကင်းမြို့နယ် ပြည်သူ့လုံခြုံရေးအဖွဲ့က အကြမ်းဖက်ဖမ်းဆီးခဲ့တယ်လို့ မြို့ခံတွေကပြောပါတယ်။ ဒေါက်တာဒေါ်ခင်သူသူလွင်ဟာ မင်းကင်းမြို့နယ် ဆေးရုံမှာတာဝန်ထမ်းဆောင်နေသူ ဖြစ်ပြီး စစ်အုပ်စုအာဏာသိမ်းပြီးနောက် အကြမ်းမဖက်အာဏာဖီဆန်ရေးအနေနဲ့ CDM ဝင်ထားသူဖြစ်တယ်လို့ ဆိုပါတယ်။ အာဏာသိမ်းပြီးနောက် ပြည်သူ့အုပ်ချုပ်ရေးမှာ ပြီးခဲ့တဲ့ ၂၀၂၄ ခုနှစ်အထိ တာဝန်ထမ်းဆောင်ခဲ့ပြီးနောက် ဒဏ်ရာရပြည်သူတွေကို ဆေးဝါးကုသမှု ဆက်လက်လုပ်ဆောင်နေတာ ဖြစ်ပါတယ်။ လက်ရှိမှာလည်း မင်းကင်းမြို့နယ်အတွင်းက ပြည်သူတွေနဲ့ တော်လှန်ရေးအဖွဲ့တွေကို Chindwin Medical Humanitarian Network အထောက်အပံ့နဲ့ ဆေးကျန်းမာရေးစောင့်ရှောက်မှုတွေပေးနေဆဲဖြစ်တယ်လို့ ဒေါက်တာဒေါ်ခင်သူသူလွင်နဲ့နီးစပ်သူတစ်ဦးက ပြောပါတယ်။ “ ဆရာမ ပအဖ လုပ်စဉ်တုန်းက သေနတ်သုံးလက်ကို ဘာလက်နက်မှ မရှိတဲ့ Local PDFထံ ပေးခဲ့ဖူးတာရှိပါတယ်။ ဒါကို အခုမှ ပုဂ္ဂိုလ်ရေးမုန်းတီးမှုးနဲ့ လာဖမ်းတာလို့ ပြောရမှာဖြစ်နေတယ်။ ပအဖတာဝန်ခံဟောင်းအမျိုးသမီးတစ်ဦးကို မင်းကင်း ပအဖ ပခေါင်းဆောင်နဲ့ ဒုခေါင်းဆောင်နှစ်ဦးရဲ့အမိန့်နဲ့ မင်းကင်းပလဖက ဖမ်းသွားတာပါ။ အခုထိ ဘယ်ကိုခေါ်သွားသလဲဆိုတာ မသိရသေးပါဘူး။ ဖမ်းတဲ့အခါမှာလည်း လူ့ဂုဏ်သိက္ခာအရ ဥပဒေနဲ့အညီမဖမ်းဘဲ ကာယိန္ဒြေပျက်အောင် ဖမ်းဆီး ဒေါ်ခင်သူသူလွင်ဟာ ပအဖ တာဝန်ယူခဲ့စဉ်က ပကဖ ဆီကနေ ငှားရမ်းထားတဲ့ သေနတ် ပြန်မပေးတဲ့ကိစ္စ၊ အခွန်ခွဲတမ်းတွေကို ပေးသွင်းခြင်း မရှိတဲ့ ကိစ္စတွေနဲ့ အမှုဖွင့်တိုင်ကြားခံထားရတာတွေရှိတဲ့အတွက် မင်းကင်းမြို့နယ် ပလဖအမှုစစ် နဲ့အဖွဲ့က လုပ်ထုံးလုပ်နည်းနဲ့ အညီဖမ်းဆီးခဲ့တာဖြစ်ပါတယ်” ဒေါက်တာဒေါ်ခင်သူသူလွင်ဟာ အထွေထွေရောဂါကု ဆရာဝန်တစ်ဦးဖြစ်ပြီး ပြီးခဲ့တဲ့ ၂၀၁၆ ခုနှစ်ကတည်းက မင်းကင်းမြို့နယ်ပြည်သူ့ဆေးရုံမှာ အဒဆေးရုံအုပ်အဖြစ် တာဝန်ထမ်းဆောင်ခဲ့သူ ဖြစ်ပါတယ်။ လတ်တလောမှာလည်း ဒေါက်တာဒေါ်ခင်သူသူလွင်ဖမ်းဆီးခံရမှုနဲ့ ပတ်သက်ပြီး မင်းကင်းဒေသခံတွေကြားမှာ မကျေနပ်မှုတွေရှိနေသလို အမြန်ဆုံးပြန်လွှတ်ပေးဖို့ကိုလည်း မျှော်လင့်နေကြတယ်လို့ မြို့ခံတွေက ပြောပါတယ်။ ပြီးခဲ့တဲ့ ရက်ပိုင်းကလည်း မင်းကင်းမြို့နယ်အတွင်းက လောင်းပြည့်ရွှေမျှောစီမံကိန်းနဲ့ ပတ်သက်ပြီး ကန့်ကွက်ဆန္ဒပြခဲ့ကြတဲ့ ဒေသခံတွေအထဲက ဆန္ဒပြသူ သုံးဦးကို တော်လှန်ရေးတပ်ဖွဲ့တွေက ဖမ်းဆီးပြီးနောက် ဒီနေ့အထိ ပြန်မလွတ်သေးဘူးလို့ ဆိုကြပါတယ်။ #အညာ #စစ်ကိုင်း #မန္တလေး #မကွေးတိုင်း ##myanmartiktok🇲🇲🇲🇲 #crimestories # #စစ်ကိုင်းတိုင်း #NUG #ရန်ကုန် #မကွေးတိုင်း #စစ်ကိုင်းတိုင်းဒေသကြီး #မကွေးသူလေး - @yarsuthit1988