@ali.sazideh: وصف أحد الأصدقاء بعد الانتهاء من رحلة اليوم الوطني شكر ووناسة رحلتنا في عذيب – أم القيوين بمناسبة العيد الوطني كانت قمة الوناسة… سوالف، ضحك، تحديات، وأحداث تستاهل تدخل أرشيف الذكريات 😂🔥 أول شي… شكر كبير للمنظّمين، ما قصّرتوا أبد، وفّرتوا كل شي من الراحة للضحك وللنزلة الحلوة اللي ما تنسى. والحين نوزّع الأدوار على نجوم الرحلة: • علي عباس بومحمد – الماستيرو… إذا المزاج موسيقى، فهو المايسترو اللي يمسك العصا ويضبط الإيقاع كله 🎶😂 • بوسلطان… شغل خلف الكواليس اللي محد يشوفه بس كلنا نحسّه، مثل Wi-Fi قوي بدون ما تفهم كيف شغال! • بومايد – الشيف… ما قصر، خلانا نحلف نرجع للرجيم… وبس شفنا أطباقه خنّفنا الوعود 🤣🍗 • معين بوهزاع – الإنتاج الفني… كل لحظة عنده لقطة ذهبية، ما يصوّر… يسوّي أفلام سينمائية 🎥🔥 • حسين نور الديني… على إعداد وجبة الغداء الملكية، الصراحة ما خلّانا نجوع ولا نخسر طاقة التحديات 👨‍🍳🤍 أما بطولة الطائرة فكانت حرب عالمية ثالثة بس بريّاضة 😎🏐 مبروك لفريق راشد منصور و علي دادخدا على فوزهم على فريق مصطفى جرمن و حسين نور الديني… والنتيجة محفوظة بالتاريخ 🤣🔥 وفي النهاية… كل الشكر لكل واحد حضر. وجودكم بروحه يسوى الدنيا والوناسة كلها ❤ #capcut #creatorsearchinsight #viral #tiktok #dubai

Dubairealtor.Ali

Open In TikTok:

Region: AE

Tuesday 02 December 2025 15:54:17 GMT