من كثر القصص الي تجيني قررت اتكلم عن تحرش المدراء بالبنات و هي مشكلة أكبر مما نتخيّل ⚠️تحرش المدراء منتشر بشكل مخيف بالدول العربية لأن في سلطة بلا رقابة، وثقافة لوم البنت إذا تكلمت. البنت تشتغل وتبي كرامتها بس الكثير يخافون يفقدون وظيفتهم، فيسكتون. ⚠️بس الحقيقة؟ في حلول جذرية، عملية، توقف المتحرّش بدون ما تعرّض البنت للخطر. ⚠️إعادة السيطرة خلال ثانيتين نفس عميق + كتف مرفوع + نظرة ثابتة = يخفّ الخوف فوراً ويشتغل العقل. ⚠️جمل توقف أي مدير بدون صدام مثلا ( نرجع لموضوع الشغل) او ( خلينا على الرسمي) او مو مناسب نتكلم بهالطريقة) جمل قصيرة تسكره و تقطع عنه الطاقة ! ⚠️ ملف حماية صامت احتفظي بكل رسالة ملاحظة تاريخ، مو للفضح للسلامة. ⚠️الدرع الاجتماعي خلي لك 2–3 موظفين تعرفينهم. لو صار شيء، فقط خبريهم تنبيه! مجرد وجود شهود مو مباشرين يخوّف أي مدير. ⚠️ كسر الإيقاع عند التحرّش اللحظي خطوة للخلف، حركة مفاجئة للجانب، رفع ملف. تربك المعتدي وتكسر مسار الفعل فوراً. ⚠️حماية قانونية بدون ما تخسرين الوظيفة روحي للـHR أو الإدارة العالية وقولي: (في سلوك غير مريح ومتكرر وأحتاج حماية مهنية) بدون كلمة تحرش إلا عند وجود أدلة. ⚠️نصيحتي الشخصية لا تربطين نفسك بوظيفة تدمّر كرامتك و كذلك من كل قلبي انصح كل بنات الكرة الارضية انهم يتعلمو رياضة Muay Thai هذه الرياضة الي تخلي البنت جسديا ما تخاف ابدا / كذلك اشتغلو على مشاعر الخوف و العار لانهم هم الي يدخلوكم مصيدة التحرش و تكوني فريسة سهلة للمتحرشين لانه مشاعرك ضعيفة! ⚠️الزبدة : التحرّش شائع لكن البنات اليوم أقوى. ومع هذي الاستراتيجيات، المدير المتحرّش يفقد قدرته عليك خلال ثواني. أنتِ تتحكمين مو هو و بالنهاية في سلطة اعلى و هي القضاء لو استخدمتي كل شيء و ما فاد معاه! و ربي يحفظكم من كل شر و يحفظ جميع الناس طبعا كلامي للجنسين لانه في كثير رجال يتم التحرش فيهم من قبل سيدات مسؤولات بالعمل ! ⚠️و الان شاركني ليش ينتشر موضوع تحرش المدراء بالبنات بدولنا اكثر من الدول الثانية ؟ و احبكم كوتش أنيسة 💓 - @coachanissa369