@aqamemmed.eliyev: Polis Müstəntiqi və Prokurorluq Müstəntiqinin Fərqi #Maarifləndirici Azərbaycanda cinayət işlərinin araşdırılmasını iki əsas orqan həyata keçirir: polis müstəntiqi və prokurorluq müstəntiqi. Polis müstəntiqi Daxili İşlər Nazirliyinə tabe olur və əsasən yüngül və orta ağırlıqlı cinayətlərin istintaqını aparır. Bunlara sadə oğurluq, kiçik və orta məbləğli dələduzluq, narkotikin şəxsi istifadə halları, ailə-məişət zorakılığı, təhqir və hədələmə, yüngül və orta bədən xəsarətləri, eləcə də yol-nəqliyyat hadisələrinin böyük hissəsi daxildir. Polis müstəntiqinin apardığı istintaqlara prokuror tərəfindən nəzarət olunur.Prokurorluq müstəntiqi isə Baş Prokurorluğa tabedir və daha ağır, mürəkkəb və xüsusi təhlükəli cinayətlərin istintaqını aparır. Buraya qəsdən adam öldürmə və öldürməyə cəhd, terrorçuluq, silahlı basqın və quldurluq kimi cinayətlər, insan alveri, çox böyük məbləğli dələduzluq, korrupsiya və vəzifə cinayətləri, narkotik satış və qaçaqmalçılığı, dövlətə xəyanət və casusluq kimi dövlət əleyhinə cinayətlər daxildir. Bu cinayətlər yüksək peşəkarlıq və geniş səlahiyyət tələb etdiyi üçün onların istintaqı prokurorluq müstəntiqləri tərəfindən həyata keçirilir.Nəticə olaraq, polis müstəntiqi gündəlik və orta səviyyəli cinayətlərə baxdığı halda, prokurorluq müstəntiqi ən ağır və dövlət əhəmiyyətli cinayətləri araşdırır. Fərq onların tabeliyində, səlahiyyətində və cinayətlərin ağırlıq dərəcəsindədir.

Ağaməmməd Əliyev

Open In TikTok:

Region: AZ

Thursday 04 December 2025 01:56:46 GMT