@salwaz23: أغنية يا ربي هل طاريني قلبو دي من الأغاني الوجعها نضيف… النوع البخلي الحنين يمرق من الكلام قبل اللحن. صلاح بن البادية غنّاها بصوت مليان شجن، كأنو بسأل سؤال واقف في حلق كل زول مشتاق: يا ربي… هل لسه بتذكرني؟ هل لسه قلبي عندو مكان؟ الأغنية دي بتحكي عن انسان قلبو معلّق بشخص بعيد، لسه ماسك في خيط رفيع من الأمل،وبيسأل ربنا—وعارف إنو الإجابة مرات ما بتيجي، لكن السؤال براهو بيريّح القلب. فيها إحساس المحبة الراجعة من زمن، ووجع الفراق الساكن، والخوف الجميل من إنو الزمن يكون غيّر القلوب. لما صلاح يقول: يا ربي هل طاريني قلبو… ولا نسى الأيام الحلوة؟ تحسي الحنين واقف جنبو، رافع عينو للبعيد، وداير بس تطمن إنو مكانو لسه موجود…ولو في الذاكرة. #صلاح_بن_البادية