@munim.madani: ✍️: محمد #منعم مدنی(مدینہ منورہ) پریشانیاں زندگی کا حصہ ہیں۔انسان چاہے امیر ہو یا غریب، گورا ہو یا کالا غم، دکھ، آزمائشیں سب کے دروازے پر آ ہی جاتی ہیں۔ فرق صرف اتنا ہوتا ہے کہ ہر دل کی کیفیت مختلف ہوتی ہے، ہر انسان اپنے دکھ کو اپنے انداز سے جھیلتا ہے۔مگر مدینہ منورہ میں رہنے کا ایک خوبصورت فائدہ یہ ہوتا ہے کہ جب دل پر بوجھ بڑھ جائے، جب فکر راستہ روک لے، جب دنیا کے معاملات اُلجھ جائیں تو ہم سیدھے درِ رسول ﷺ کی طرف چل پڑتے ہیں۔ یہاں پہنچ کر دل کا بار خود بخود ہلکا ہونے لگتا ہے، آنکھیں نم ہو جائیں تو بھی سکون اترتا ہے، اور بندہ سب کچھ اپنے محبوب نبی ﷺ کی بارگاہ میں رکھ کر، ایک عجیب سی راحت لے کر لوٹتا ہے۔سچ پوچھیں تو جو بندہ اپنے نبی کریم ﷺ کے در پر مانگے، وہ کبھی خالی کیسے لوٹ سکتا ہے؟کرم تو اس در کی شان ہے، نواز دینا تو میرے آقا کریم علیہ السلام کی عادت ہے، اور اپنی اُمت پر رحمت کرنا میرے مدنی آقا کا وصف ہے۔ باقی یہ بھی حقیقت یہ ہے کہ اگر اپنے آقا کریم صلی اللہ علیہ وآلہ وسلم سے تعلق مضبوط ہو تو پھر آپ مدینہ میں ہوں یا دنیا کے کسی بھی کونے میں،میرے آقا ﷺ اپنے غلاموں کو کبھی تنہا نہیں چھوڑتے، کبھی محروم نہیں کرتے، کرم ضرور فرماتے ہیں۔یہی احساس زندگی کی سب سے بڑی راحت ہے کہ کوئی ہے… جو ہمیں دیکھتا ہے، سنتا ہے، قبول کرتا ہے، اور پھر نواز دیتا ہے۔ دمکتے رہیں تیرے گنبد کے جلوے ، سلامت رہے تیرے روضے کی جالی اِدھر بھی کوئی اَبرِ رحمت کا چھینٹا ، اِدھر بھی نظر بے سہاروں کے والی نگاہوں میں ہے تیری بخشش کا عالَم ، کھڑے ہیں تِرے در پہ تیرے سوالی #MunimMadani #madinahalmunawwarah #masjidnabawi #SpiritualJourney