आज खुसिबु, काठमाडौंमा एक भारतीय नम्बर प्लेटको सवारी साधनले अत्यधिक गतिमा र निकै लापरवाहीपूर्वक सवारी ओभरटेक गर्दै सडक सुरक्षामा गम्भीर खतरा उत्पन्न गरेको देखेँ। ओभर–स्पिडिङ र reckless overtaking दुवै नेपाल ट्राफिक नियमावली अनुसार दण्डनीय अपराध हुन्, जसले दुर्घटना र जनधनको क्षति निम्त्याउन सक्छ। त्यसैले सार्वजनिक सुरक्षाको दृष्टिकोणबाट म नागरिकको हैसियतले उक्त सवारी थाम्न बाध्य भएँ। सवारी रोकिएपछि मैले देखेँ कि उक्त गाडीमा भारतको राजनीतिक दल BJP को झण्डा अगाडि प्रष्ट रूपमा झुन्ड्याइएको थियो। नेपालको कानुन अनुसार सार्वजनिक स्थानमा विदेशी राजनीतिक प्रचार–प्रसार सामग्री प्रयोग गर्न कठोर प्रतिबन्ध छ। विशेषगरी विदेशी राजनीतिक दलको झण्डा झुन्ड्याएर शक्ति प्रदर्शन गर्नु नेपालको सार्वभौमिकता, शान्ति–सुरक्षा र कानुनी मर्यादाविपरीत कार्य हो। अहिले नेपाल चुनावको संवेदनशील चरणमा भएकाले यस्ता गतिविधिले सामाजिक उत्तेजना र कानुनी उल्लंघन दुवै उत्पन्न गर्न सक्छन्। नेपाल एक स्वतन्त्र तथा सार्वभौम राष्ट्र हो। यहाँ विदेशी राजनीतिक दलको प्रचार, प्रदर्शन वा प्रभाव जमाउने प्रयास कुनै पनि हालतमा स्वीकार्य हुँदैन। नेपालका आफ्नै राजनीतिक नेता तथा पदाधिकारीहरू पनि निजी सवारीमा पार्टीको झण्डा फहराउन कानुनी रूपमा निषेधित छन् भने, विदेशी सवारीले राजनीतिक झण्डा फहराउँदै सडकमा शक्ति प्रदर्शन गर्नु झनै अनुचित, अस्वीकार्य र कानुनी रूपमा गलत हुन्छ। मैले उनीहरूलाई कानुनी अवस्था, सार्वजनिक सुरक्षाको जोखिम, र नेपालप्रतिको सम्मानबारे शान्त, सभ्य र स्पष्ट शब्दमा बुझाएँ। उनीहरूले आफ्नो गल्ती स्वीकारे, झण्डा हटाए, माफी मागे, र त्यसपछि मैले उनीहरूलाई ‘नेपालमा तपाईंहरूको बसाइ सुखद रहो’ भनी मैत्रीपूर्ण रूपमा बाटोमा पठाएँ। म कुनै व्यक्तिलाई अपमान गर्ने उद्देश्यले होइन, नेपालको कानुन, सडक सुरक्षा, र राष्ट्रिय मर्यादाको रक्षा गर्ने नागरिक दायित्वबाट प्रेरित भएर मात्र यस्तो कदम चलिएको हो। ‘अतिथि देवो भव’ हाम्रो संस्कार हो, तर अतिथिले पनि हाम्रो देशको कानुन र संवेदनशीलता सम्मान गर्नैपर्छ। यस्तो व्यवहार जागरूक नेपाली युवाले स्वीकार गर्न सक्दैन। #nepal - @bogatisabin