"නැති කරගන්නත් බයයි... හැබැයි තෝරගන්නත් බෑ..." මේක හරියට ඔයාව අතරමැද තැනක (Limbo) හිර කරලා තියනවා වගේ වැඩක්. කෙනෙක් ඔයාව තමන්ගේ ජීවිතේට සම්පූර්ණයෙන්ම ළං කරගන්න, වගකීම් ගන්න බයයි. හැබැයි ඒ අතරෙම ඔයා එතනින් යනවට, වෙන කෙනෙක්ගේ වෙනවට ඔවුන් කැමතිත් නෑ. ඔයා ළඟ ඉන්නකොට ඔවුන්ට දැනෙන සැනසීම, ආදරය හෝ ආරක්ෂාව ඔවුන්ට ඕනේ. නමුත් ඔයාට දෙන්න ඕන නියම තැන, respect එක,වටිනාකම දෙන්න ඔවුන් සූදානම් නෑ. මේක ඇත්තටම හරිම ආත්මාර්ථකාමී බැඳීමක්. ඔවුන් ඔයාව තියාගෙන ඉන්නේ ඔවුන්ගේ පහසුවට වෙන්න පුළුවන්. තමන්ට පාළු හිතුණම, ප්‍රශ්නයක් ආවම හරි අර "Safe Zone" එකේ ඉන්න ඕන වුණාම ඔයා ඔවුන්ට වටිනවා. හැබැයි ජීවිතේ ඉස්සරහට යන්න තීරණයක් ගන්න වුණාම, ඔවුන් ඔයාව "තෝරාගැනීමක්" විදිහට දකින්නේ නෑ. ඒ වෙනුවට ඔවුන් ඔයාව දකින්නේ "විකල්පයක්" (Option) විදිහට විතරයි. ඔයාට දැනෙන්නේ ඔයා ඔවුන්ට වටිනවා, හැබැයි අංක එක වෙන්න තරම් වටින්නේ නෑ වගේ හැඟීමක්. මේ වගේ තත්වයකදී වැඩිපුරම බැට කන්නේ "තෝරා නොගත්ත" කෙනා. ඔයා හැමදාම බලාපොරොත්තු දල්වාගෙන ඉන්නවා "කවදාහරි එයාට මගේ අගේ තේරෙයි, කවදාහරි එයා මාව තෝරගනීවි" කියලා. මේ බලාපොරොත්තුව නිසා ඔයාට ජීවිතේ ලැබෙන්න තියෙන අනිත් හොඳ අවස්ථාවන් මග හැරෙනවා. තමන් ගැන තියෙන ආත්ම විශ්වාසය (Self-worth) ටිකෙන් ටික නැති වෙලා, "මම එයාට ගැලපෙන්නේ නද්ද?" කියන ප්‍රශ්නය විතරක් ඔයාට ඉතුරු වෙනවා. අවසානයේ තේරුම් ගන්න ඕන දේ තමයි, කෙනෙක්ට ඔයාව "නැති කරගන්න බයයි" කියන එකෙන් අදහස් වෙන්නේ නෑ ඔවුන් ඔයාට ආදරෙයි කියලා. ඒකෙන් කියවෙන්නේ ඔවුන් කැමති නෑ ඔයා දෙන support එක නැති කරගන්න. ඔයා කාගේ හරි Free time වෙන්න එපා. ඔයා කාගේ හරි Priority වෙන්න ඕන කෙනෙක්. කෙනෙක්ට ඔයාව සම්පූර්ණයෙන්ම තෝරගන්න බැරි නම්, ඔයාව නිදහස් කරන්න තරම්වත් ඔවුන් කාරුණික වෙන්න ඕනේ. එහෙම නැත්තම්, ඒ තීරණය ඔයා ගන්න ඕනේ. ✍🏻පාශී #❤️❤️❤️❤️❤️❤️❤️❤️❤️❤️ - @tharuli89