@.ku.w: السلام عليكم… أنا محمد أبو غطّة، شاب عراقي عمري 19 سنة، والناس تعرفني من 2022 بطاقة إيجابية، ضحك، وفرفشة. كبر جمهوري، وتجاوز المليون، وصرت أحس كل واحد يشوفني مثل أهلي… لذلك كنت أشارككم كلشي يصير بحياتي بدون تصنّع. بس سنة 2025، وتحديداً من شهر الثاني… حياتي اتغيّرت. دخلت من مشكلة وطلعت على غيرها، وتراكمت الأمور لحد ما نفسيتي تعبت وطاقتي انتهت. وصار عندي شعور غريب… ناس هواية يشوفوني، بس ولا واحد يفهم شنو جاي يصير وياي. كل مرة أحاول أفضفض… المقابل يحوّل الموضوع تحدّي أو يحچي عن مشاكله. وأنا مو هذا اللي أريده. أريد أحد يسمعني، يهدّيني، يطمني… يحسسني بأمان بسيط افتقدته. ومن شهر الثاني لحد اليوم، الشهر 12… ظلّيت أتظاهر إني بخير. ضحكت، وصنعت محتوى، وخلّيت الكل يشوف الجانب القوي… مع إنّو جوّاي كان تعبان، ومنهار، ومحد داري. وسويت هذا الفديو اليوم حتى أجاوب على سؤال واحد: “ليش قررت أظهر حزني وما أخبيه بعد؟” لأن الحزن مو ضعف. والظروف الصعبة عمرها مكسرت إنسان… اللي يكسرنا هو التمثيل، إنك تبين بخير وأنت مو بخير. أنا نزلت هذا الفديو لأني مؤمن إن الله سبحانه وتعالى راح يعوضني. وبيوم من الأيام، راح أرجع أشوف هذا الفديو وأكول: “راحت هاي الأيام… وعدّت.” ❤️‍🩹 #محمد_ابو_غطه

4878796

139940

7504

10216

To see more videos from user @.ku.w, please go to the Tikwm homepage.