احلى وجبه تدفيك بالبرد لذيذذه 🩷 استخدمت لازانيا من @perfettopasta1 - لازانيا شورت ريبس (اعلان 🌟) المكونات: لحم الشورت ريبس والصلصة: • ١ كيلو شورت ريبس (أضلاع قصيرة – بتلو) • ملعقة كبيرة زبدة • ملعقة كبيرة زيت زيتون • ١ بصلة بيضاء مفرومة ناعم • ٣ فصوص ثوم مفروم • ١ جزرة صغيرة مفرومة • شوية كرفس مفروم • فلفل أخضر بارد مفروم • ٢ ملعقة كبيرة معجون طماطم • صلصلة طماطم جاهزة بالريحان • رشة سكر • بهارات: بهارات إيطالية – بابريكا – كمون – ملح – فلفل أسود • شوية كاتشب • كوبين مويه حارة مذوب فيها مرقة خضار البشاميل: • ٣ ملاعق كبيرة زبدة • مكعب مرقة دجاج • ٣ ملاعق كبيرة طحين • حوالي ٤–٥ أكواب حليب (حسب القوام) • ملح + فلفل أسود • ملعقة كبيرة جبن كاسات التجميع: • شرائح لازانيا بيرفيتو • جبن موزاريلا • جبن إمنتال - الطريقة : اول شي اشوح الشورت ريبس بزبدة وزيت لين تتحمر معي واشيلها على جنب. بعدها انزل البصل والثوم والجزر والكرفس والفلفل الاخضر في نفس القدر واشوحهم لين يذبلون وتطلع ريحتهم. ثم اضيف معجون الطماطم والصلصة الجاهزة والسكر والبهارات وشوية كاتشب واخليهم يتسبكون شوي. بعد كذا اصب موية حارة مذوب فيها مرقة خضار وارجع اللحم للقدر. اخليه يطبخ على نار هادية حوالي 3 ساعات او 45 دقيقة اذا استخدمت قدر الضغط. لما يستوي اطلعه وافتفته كويس وارجعه للصلصة يتسبك ربع ساعة على نار هادية. ⸻ بهالوقت اسوي البشاميل: اذوب الزبدة مع مكعب المرق واضيف الطحين واحركه وبعدين اصب الحليب بالتدريج لين يوصل لقوام كريمي. املحه شوي واضيف فلفل اسود وملعقة جبن كاسات. ⸻ التجميع: احط شوي بشاميل تحت بالصينية → طبقة لازانيا → طبقة لحم. اكرر الطبقات لين تخلص الكمية واخر طبقة تكون بشاميل. اغطيها وادخلها فرن على حرارة 190 من تحت بس لمدة تقريبا نص ساعه او اذا دخل السكين بسهولة فيها اعرف انها استوت واخر شي ارش فوقها موزاريلا وامنتال واحمر الوجه من فوق و بس اتركها ترتاح شوي وبعدين اقطعها واقدمها وعليكم بالف عافيه 🩷 - - #السعودية #4u #explore #الشعب_الصيني_ماله_حل😂😂 #foryou - @noor3_33