@hussein74675666: الوَحدة مو بس كلمة تنحجى، الوَحدة وجع صامت، شعور يثقل الروح ويخلي الإنسان يحس نفسه غريب حتى لو هو بين أهله وناسه. الوَحدة مرات تصير سجن بلا أبواب، تخلّي الواحد يصرخ بداخل قلبه، بس ماكو أحد يسمع. تعلّمه شلون يقوي نفسه، شلون يعتمد على روحه، وشلون يوقف حتى لو كلشي ضده. يمكن قاسية، بس هي مدرسة، تربي بيه الصبر وتزرع بيه قوة محد يتصورها. وأصعب شي بالوَحدة مو انك تبقى وحدك، لا... الأصعب إنك تعيش ويا ناس بس تحس ما أحد فاهمك، تحجي وماكو أذن تسمع، تضحك والدمعة بعيونك مخفية، تدور حضن دافي ما تلكى غير الفراغ. بس مع هذا، الوَحدة مو دايماً عدو. مرات تصير فرصة حتى الواحد يرجع لروحه، يرجع لربه، يقعد ويحاسب نفسه، يتأمل حياته. يمكن هي الطريق اللي يفتح عيوننا على معاني ما جانت واضحة واحنه وسط الزحمه. خلي الوَحدة تصير جسر، مو حفرة. خليها تكون دافع ننهض من جديد، مو سبب نطيح. صحيح توجع، بس بنفس الوقت تعلم. وإذا ضاع حضن البشر، ترى حضن اللّٰه أوسع وأحن، وما يترك أحد وحيد. #💔 🥀🥀🥀

273

2026-07-26 09:02:03

To see more videos from user @hussein74675666, please go to the Tikwm homepage.