@nadine.alsalloum: "صعوبات التعلّم: الحقيقة اللي لازم كل أهل يعرفوها" "أوقات منسمع أهل بيقولوا: أنا بشك إنو طفلي عندو صعوبات تعلّم ...وهون بيصير الخوف، والتشتّت، واللوم… بس خلّيني قلك الحقيقة بطريقة مبسطة: صعوبات التعلّم مش مرض… ومش إعاقة… ومش دليل إنو الطفل ما بيفهم. هي اختلاف بطريقة عمل دماغه. يعني شو؟ يعني الدماغ بيستقبل المعلومة، بس بيصير عنده صعوبة بمعالجتها بسرعة أو بترتيبها، خصوصاً بالقراءة، الكتابة أو الحساب. ومع هيك… الطفل ذكي، وبيفهم، وبيقدر يتعلّم مثل غيره، بس بطريقة مختلفة. والسبب ليش كتير أهل بيشكّوا؟ لأن علاماته بتكون متدنية: – القراءة بطيئة كتير – كتابته فيها أخطاء كبيرة وواضحة – الحساب بيتطلب منه مجهود مضاعف – بنسى الخطوات الأساسية بسرعة – بينفِّذ التعليمات بصعوبة وهون الأهل بيفكّروا إنو الطفل "كسلان" أو "ما بيركّز"… بس الحقيقة؟ هيدي مؤشرات ومش تشخيص بتحتاج تقييم تحتاج مش تجاهل! أهم نقطة لازم تعرفوها: الطفل يلي عنده صعوبة تعلّم ما عنده مشكلة بالذكاء… عنده طريقة مميزة ليستقبل ويفهم المعلومات. وكل ما اكتشفنا المشكلة بكير، كل ما حبّ الطفل المدرسة أكتر، وتحسّنت ثقته بنفسه." "إذا عندك شك ولو صغير… ما تترددي. التقييم المبكر بيختصر تعب كبير على الطفل. خبريني بالتعليقات: شو العلامات اللي لاحظتيها عند طفلك؟" #صعوبات_التعلم #learningdisability #viral#fyp #foryou
