@drradwakhattab: التعافى من العلاقات المؤذية دائما حله فى كلمة واحدة اقفل الباب إقفل باب العقل وباب الأفكار وباب المشاعر الأبواب المواربة عمرها ما هيجيلك منها إلا وجع القلب كل اللى هايدخل منها ألم فى ألم شغف كداب وده موت بالبطئ ، موت الترقب والإنتظار والأمل الخداع اللى بيوجع، وهم إنك تدى نفسك فرصة تانية عشان تصلح اللى أصلاً لا يمكن إصلاحه الباب الموارب مش حبل بيربطك بالشخص اللى أذاك ،بالعكس ده حبل اللى بيلف حوالين رقبتك لحد ما يقضى على اللى باقى منك الباب الموارب سكة تعطيل ووقف حال، اللى بتخليك فى منتصف الطريق لا عارف تكمل ولا عارف ترجع هو عملية ولادة يومية للإحباط وخيبات الأمل فى مرة قابلت شخصية ، كانت مستنزفة من كتر ما هى رايحة جاية على علاقة عقيمة لا يمكن أن يولد من رحمها المودة والرحمة والإتزان، لأنها كانت على طول سايبة الباب موارب ، وقرصة ورا التانية حياتها وقفت، ولما سألتنى تسمى العلاقة دى إيه؟ قولتلها دى علاقة Past continous relationship 😄 وفى النهاية حابة أقول مش كل العلاقات تستحق فرصة تانية، لأن فى علاقات الفرصة التانية فيها قرصة تانية والعلامات بتبان ودايماً صدق قلبك وكفانا يا قلب ✋️ اقفل الباب وكمل حياتك ، يمكن بابك الموارب ده قافل عليك فرص كتير حلوة انت مش شايفها عشان معلق عينك وقلبك من زاوية الباب الموارب #رضوى_خطاب #استرونج_اندبندنت_فوزية #التعلق #علاقات https://www.instagram.com/dr._radwa_khattab?igsh=MTJpMGZjY3kzanV5YQ==

Dr. Radwa khattab

Open In TikTok:

Region: EG

Wednesday 17 December 2025 08:58:36 GMT