@qrnewskz: Үндістанның Одиша штатында жұмыссыздық деңгейінің жоғары екенін көрсететін жағдай тіркелді. Самбалпур ауданында Home Guard (ерікті қорғаушы) қызметіндегі 187 бос орынға арналған іріктеу емтиханы өтті. Ресми дерекке сәйкес, конкурсқа 8 мыңға жуық үміткер қатысқан. Кандидаттар санының тым көп болуына байланысты жазбаша тест Jamadarpali әуежайының ұшу-қону жолағында ұйымдастырылды. Жергілікті билік өкілдерінің мәліметінше, басқа оқу орындары мен ғимараттар барлық үміткерді сыйдыра алмаған. Сол себепті ашық алаң таңдалған. Емтихан жалпы білімді тексеруге бағытталған 50 балдық тест форматында өтті. Аталған қызметке қойылатын талаптар жоғары емес — үміткердің кемінде 5-сынып білімі болуы жеткілікті. Соған қарамастан, емтиханға жоғары және арнаулы білімді азаматтар да қатысқан. Қызметтің күндік жалақысы шамамен 612 рупий (шамамен 7–8 АҚШ доллары) екені айтылды.

QRNewskz

Open In TikTok:

Region: KZ

Saturday 20 December 2025 12:56:58 GMT