@drvirginiayoussef: الناس لا تختار القلق والحزن و لكن أحيانًا تكون عالقة في دماغ لا يسمح لها بالخروج بسهولة علشان كده للخروج الحقيقي و الامن احيانا نحتاج لزيارة الطبيب النفسي للبدء بعلاج كيمياء الدماغ ثم بناء عادات صغيرة جدًا مع تقليل اللوم وزيادة الرحمة والتشجيع للنفس. طيب هو ليه الانسان في تعبه النفسي مش بيبقي شايف الفايدة اللي ممكن تعود عليه من العادات السليمة والصحية؟ كذل سبب اهمهم:- ١ ) منطقة التفكير المنطقي prefrontal cortex في الدماغ اللي هي الفرملة لكل المشاعر الثقيله والمسئوله عن التخطيط و اتخاذ القرارات عطلانه من كثافه وثقل المشاعر اللي طالعه من الlimbic system وتحديدا من اللوزه المخيه amygdala معطله الدنيا كلها فاحيانا لو الحاله من متوسطة الي شديدة تحتاج ادوية لاستعاده عافيه المخ. ٢)في ادوار لما بنفضل نلعبها كثير خصوصا من طفولتنا بنعتادها ومابنعرفش نخرج منها … عامله كده زي الممثل لما بيتحبس في دور معين ويعيش كل حياته الناس فكراه شرير وهو مبسوط بده لانه يمكن في الحقيقة شخص مابيعرفش ياخد حقه برا القناع ده ٣)من اعراض امراض نفسية كثير الشعور بقله الطاقة و النشاط و الشعور بالوهن ويمكن الالم الجسدي ايضا. فالشخص يقول داخليًا: “حتى لو عملت ده… مش حاسس إنه هيفرق” وده عرض أساسي، مش قناعة فلسفية. ٤)المريض النفسي اوقات كثير بيخاف من المجهول فتصبح منطقة الالم والتعب هي منطقة الراحة الزائفة فيبقي فيها لعدم تاكده او اطمئنانه من جدوي الخروج منها. ٥)لكل حاله مكسبها في الحياة يعني احيانا والشخص تعبان بيكسب تعاطف واهتمام مابيكونوش موجودين وهو سليم..لذلك اللاوعي بتاع الشخص يحطه في الحته اللي هو محتاجها اكثر فيلاقي نفسه طول الوقت عايش التعب النفسي. ٦)العادات الصحية بتتقدم بطريقة مش سهله وبدون تدرج وبدون ما نطلب من المريض انه يبدا باقل مجهود يقدر عليه ودا طبعا بيحسسه في النهايه انه امام مهمة شبه مستحيل فبيعزف عنها. #قلق #اكتئاب #حزن #صدمة #دكتور_ڤيرچي

Dr.Virgy | ڤيرچي

Open In TikTok:

Region: EG

Sunday 21 December 2025 10:29:09 GMT