@alimohamedabdi03: Dowladdii Kacaanka ee uu hoggaaminayey Madaxweyne Jaalle Maxamed Siyaad Barre waxay taariikhda Soomaaliya kaga tagtay waxqabad aan la dafiri karin. Dowladdaasi waxay dhistay ciidan xoog leh, dhaqaale shaqaynaya, iyo kaabayaal dhaqaale oo muuqda. Dhanka dhaqaalaha, Soomaaliya waxay lahayd nidaam dhaqaale oo isku filan. Bangiyada, dekedaha, iyo ilaha muhiimka ah ee dakhliga qaranka dowladda ayaa gacanta ku haysay. Shilinka Soomaaligu wuxuu lahaa qiime sare, sicir-bararna ma jirin, shacabka ayaana dareemayey nolol barwaaqo iyo horumar leh. Dhanka ciidanka, Dowladdii Kacaanka waxay dhistay ciidan qaran oo dhulka, cirka, iyo badda ah, kuwaas oo ka mid ahaa ciidamadii ugu awoodda badnaa Afrika. Ciidanka waxaa lagu dhisay waddaniyad, kala dambeyn, iyo anshax, mana jirin qabiil ama qabyaalad, waxay ahaayeen ciidan qaran oo keliya. Dowladdaasi waxay hirgelisay warshado waaweyn sida warshadaha sonkorta, caanaha, kalluunka, hilibka, iyo dharka. Dhammaan warshadahaas waxaa ka shaqeynayay kumannaan Soomaali ah, dalka ayaana noqday mid wax soo saar leh. Sidoo kale, waxaa la dhisay waddooyin laami ah oo isku xira gobollada dalka, kuwaas oo fududeeyey ganacsiga iyo isu socodka shacabka. Waxaa jiray waxbarasho bilaash ah, afka Soomaaligana si rasmi ah ayaa loo qoray loona faafiyey. Dhanka caafimaadka, isbitaallo iyo xarumo caafimaad ayaa laga hirgeliyey magaalooyinka iyo miyiga intaba. Si kastaba ha ahaatee, Dowladdii uu hoggaaminayey Madaxweyne Maxamed Cabdullaahi Farmaajo iyaduna waxay sameysay waxqabad aan la dafiri karin. Dowladdii Madaxweyne Farmaajo waxay dib u soo celisay rajadii dowladnimo ee shacabka Soomaaliyeed. Dhanka ciidanka, Dowladdii Madaxweyne Farmaajo waxay dhistay ciidan qaran oo awood leh, mushaarkoodana si joogto ah ayaa loo bixin jiray, qalab iyo tababarna waa la siiyey. Ciidanka waxaa laga ilaaliyey faragelin shisheeye, qabiil, iyo qabyaalad intaba, waxaana lagu dhisay waddaniyad iyo daljacayl. Dhanka dhaqaalaha, dalka wuu kobcay, dakhliga dowladda waa la kordhiyey, nidaamka maaliyaddana waa la hagaajiyey. Dowladda ayaa ku guuleysatay inay kasbato kalsoonida caalamka, taasoo keentay in Soomaaliya hesho taageero iyo fursado horumarineed. Muwaadiniinta Soomaaliyeed ee qurbaha ku nool waxay dareemeen in dalkoodu yeeshay dowlad shaqaynaysa oo u adeegta dalka iyo dadka Soomaaliyeed. Boqolaal dhalinyaro ah ayaa dalka kusoo laabtay, iyagoo maalgelin ku sameeyey caasimadda Muqdisho iyo magaalooyin kale. Tahriibkii dhalinyarada wuu yaraaday, dhalinyaro badanna oo ku xirnayd xabsiyo dalal shisheeye ayaa lasoo daayey. Dowladdii Madaxweyne Farmaajo, muwaadiniinta Soomaaliyeed waxaa lagu shaqaaleysiin jiray aqoontooda, xirfadooda, iyo waayo-aragnimadooda, mana jirin qabiil ama qabyaalad qof loogu shaqaaleysiin jiray xafiisyada dowladda. Dadka Soomaaliyeed dhammaantood si caddaalad ah ayaa loogu adeegi jiray. Ugu dambayn, Dowladdii Madaxweyne Jaalle Maxamed Siyaad Barre waxay dalka ka hogaamin weyday siyaasiin calooshood u shaqeystayaal ah oo xilligaas jiray, halka Dowladdii Madaxweyne Farmaajo, intii u dhaxaysay 8-dii Febraayo 2017 ilaa 2022, ay iyaduna dalka ka hogaamin weyday siyaasiin calooshood u shaqeystayaal ah oo had iyo jeer diidanaa horumarka dalka iyo dadka Soomaaliyeed. Muuqaalkan waa tusaale nool oo aan la dafiri karin waxqabadkii labada hoggaamiye. Muwaadin, taageer Madaxweyne Mohamed Abdullahi Farmaajo. Waa hoggaamiyaha keliya ee maanta dalka iyo dadka Soomaaliyeed u horseedi kara horumar iyo barwaaqo. Allaha u naxariisto Jaalle Maxamed Siyaad Barre. W/Q: Cali Mohamed Abdi #farmaajo2026 #hoggaamiyewanaagsan #sharaftasoomaaliya #MarkaleFarmaajo #iskuhayntashacabka.