@esraa_algayyar: هريسة باللحم : حبية اني هنا طبخت كوب مليان صارت تقريبا ٦ مواعين اللحم ممكن عجل ممكن غنم شرح او عظم كيفكم كله شغال اسلگه بمي وورق غار بس وأبيته بالثلاجة اطبخ الحبية بمي اعلى من مستواها فد ٤ اصابع لان هي تمتص مي هواية تاخذ تقريبا نص ساعة ع نار عالية وتستوي وبعدها ابدي اضيف مي اللحم والمي العادي بالتدريج واخلط بالبلندر إلى ان اوصل للقوام المطلوب ( احنه نحبها بيها خشونة ف مبالغت بالخلط ) بعدها نضيف اللحم ورة ما نكمل خلط حتى اتاكد مراح اخسر القوام الخيطي بالبلندر واملح تقريبا جيلة ونص ضفت ع هاي الكمية وأتركها تتسبك تقريبا ربع ع نار هادئة والف عافية ملاحظة : هاي الطريقة سريعة بالبلندر إذا ما متوفر عادي تبقى الحبية ع نار هادئة مغطاية اكثر من ساعة لحين ما تفتح كلها من وحدها وتندرخ وتتلابس ونضيف اللحم بعدها ونكمل الخطوات . #اكل_عراقي #اكسلبورر_explore #اكلات_لذيذه #فطور #اكلات_شعبية