@didosha.asxanasy: 🎄🍊 Жаңа жылдық дастарханға арналған апельсинді маринадтағы пеште піскен тауық Бұл рецептке карнишон тауық та, қалауыңызша үлкен тауық еті де жарайды. Құрамы: • Карнишон тауық немесе үлкен тауық • 3–4 тіс сарымсақ • 1 ас қасық тұз • Қара бұрыш — дәміне қарай • Тауық етіне арналған дәмдеуіш (қалауыңызша) • 2–3 ас қасық соя тұздығы • 1 апельсин • 3–4 ас қасық сұйық май Дайындау тәсілі: 1️⃣ Маринад дайындаймыз Сарымсақты ұсақтап тураймыз. Үстіне тұз, қара бұрыш және қалауыңызша дәмдеуіш қосамыз. Соя тұздығын құямыз. Апельсинді екіге бөліп, жартысының шырынын сығып саламыз. Барлығын жақсылап араластырамыз. 2️⃣ Тауықты маринадтаймыз Маринадты тауықтың барлық жеріне біркелкі жағып шығамыз. Үстін жауып, тоңазытқышқа саламыз. 8–9 сағат маринадта тұрса жеткілікті. Осы уақыт ішінде 1–2 рет аударып қойған дұрыс. 3️⃣ Пісіруге дайындау Маринадталған тауықтарды противеньге тізіп қоямыз. Ыдыстың түбінде қалған маринадқа 3–4 ас қасық сұйық май және аздап су қосып араластырамыз. Осы қоспаны тауықтардың бетіне жағып шығамыз — бұл еттің әдемі қызарып пісуіне көмектеседі. 4️⃣ Пеште пісіру Пешті алдын ала 160°C-қа дейін қыздырамыз. Тауықты салып, 90 минут пісіреміз. Пісіру барысында бірнеше рет пешті ашып, өзінен бөлінген шырынын тауықтың үстіне құйып тұрсаңыз, еті өте жұмсақ, ал беті әдемі қызарып шығады.

didosha

Open In TikTok:

Region: KZ

Saturday 27 December 2025 06:20:40 GMT