@hamza_mx1: Yaa u malayn lahaa in wiil yar oo agoon ah, oo lix jir ku waayay labadiisii waalid, uu maalin noqon doono codka loogu jecel yahay guryaha Soomaaliyeed.. Waa Sheekh Cumar Faaruuq Raximahullaah.. ​Sheekhu wuxuu kasoo jeeday dhulka Soomaali Galbeed, degmada Qabridahar. Inkastoo uu ku soo koray agoonnimo iyo nolol adag, haddana 11 jir isagoo ah ayuu Quraanka dusha ka qabtay, harraadka uu cilmiga u qabay ayaana ka soo kaxeeyay miyiga, isagoo soo maray Kenya iyo Xamar, ilaa uu cagaha dhigay Jaamacadda Madiina. ​Noloshiisu ma ahayn mid raaxo leh, mana ahayn wadaad masaajidka fadhiya oo kutubta kaliya akhriya, balse wuxuu ahaa libaax aan xaqa ka gaban xilli dadku aamusan yihiin. Xiligii uu dalka xukumayay Madaxweyne Maxamed Siyaad Barre, Sheekhu wuxuu xabsiga u galay 42 maalmood kadib markii uu fasiray Aayadda (وَكَذَلِكَ نُوَلِّي بَعْضَ الظَّالِمِينَ بَعْضًا). Wuxuu si geesinimo leh u cadeeyay in maamulkii Siyaad Barre uu ahaa ciqaab Alle dadka ku salliday markii ay diinta ka fogaadeen, taas oo ka caraysiisay maamulkii Kacaanka. ​Dhibku intaas kuma ekayn, ee wuxuu sidoo kale laf-dhuun gashay ku noqday cadowga soo jireenka ahaa ee Itoobiya .. Sirdoonka Itoobiya ayaa labo jeer isku dayay inay khaarajiyaan dabayaaqadii 90-aadkii iyo sanadkii 2001, sababtoo ah wuxuu ahaa caalimka kaliya ee ay u arkayeen inuu caqabad ku yahay faragalinta ay Itoobiya ku haysay Soomaaliya. ​Imtixaankaas iyo dhibkaas oo dhan kadib, Alle wuxuu ugu abaal guday khayrka ugu weyn .. wuxuu duubay Tafsiirka Quraanka oo maanta sadaqo jaariya u ah, wuxuuna ku geeriyooday dhulka ugu barakaysan, ee Maka Al-Mukarama, 8-dii Maarso 2011, halkaas ayaana lagu aasay. Wuxuu ku dhashay agoonnimo, wuxuuna ku noolaa halgan, wuxuuna dhintay isagoo ah Macallinka Ummadda. Alle ha u naxariisto Sheekh Cumar Faaruuq.. #hamzamx #sheekhmustafe #somalitiktok2025 #qiso #foryoupage❤️❤️

Hamza Mx

Open In TikTok:

Region: KE

Tuesday 30 December 2025 01:33:36 GMT