@drothmanq: الالم اكيد موجود ، يعني اذا تفوت سلّاية بالايد حيظل الشخص متأذي فما بالك بعملية فوق الكبرى . لكن هذا الالم مو مثل ما يتخيله المريض ، الالم عادي مو شديد و يختفي بمجرد ياخذ مسكنات مثل البرستول . هل ممكن يصير الم شديد ؟ ممكن نعم خاصة باول يومين بالعناية ويختلف من مريض لثاني لكن هذا ميعني يبقى يتألم ، عدنا هواية خيارات من المسكنات ممكن ننطيها الى ان يختفي هذا الالم ويرتاح المريض . وبعد ايام يحس فقط ثكل على صدره و بعد اسابيع يحس بنغزات او ممكن حكة بسيطة .. بالنهاية رب العالمين خالق الجسم حتى يلتئم و يعالج نفسه ويختفي الالم تماماً . لذلك اذا جانت عندك عملية قلب مفتوح خلي موضوع الالم آخر شي ببالك لان هو مو بذاك السوء . د. عثمان قتيبه مقيم اقدم جراحة القلب #طب #جراحة_القلب #الم #خوف