@alaa12299: تنقل الأخت قصتها وتكول: جنت أتابع قصص امرأة تحچي عن لقائها بصاحب الزمان، وكنت أسمع قصصها دائماً وبشغف. ومرات أگول بيني وبين نفسي: ليش الإمام ما ألتقي بي؟ ليش ما أشوفه؟ وتمنّيت من كل گلبي حتى لو بالحلم أشوف شكله. وبيوم من الأيام بالمنام شفت نفسي كأنما بكربلاء، ودخلت المكان مال ركضة طويريج، وشفت الإمام هناك، عنده مكتبة بهالمكان، والناس مزدحمين عليه، بس هو گاعد ومحتضن أطفال أيتام. أني ركضت يمّه، لزمت إيده وبستها، وگلتله: هسه ارتاح گلبي من شفتك يا مولاي يا أبو صالح. بهاللحظة دققت بشكله، شاب جميل، ماكو واحد يشبهه، بالعشرينات أو أوائل الثلاثينات، لبسه جميل وغريب، وعيونه خضرة مخلوط بيها دم، من كثر ما يبچي، محمرّات كأنما توّه باچي...... وبعدها بكم يوم، قبل لا أنام، گلت: يا الله لا تحرمني من شوفة مولاي صاحب الزمان. وبالمنام شفت نفسي ببيتنا بالحوش، وانْدگ الباب، زوجي طلع يفتح، گلتله: منو؟ گال: ماكو أحد. بهاللحظة الباب كان مفتوح، وشفت واحد خطف من عند الباب بسرعة. طلعت أني للباب، وشفت رجل گاعد بصفحة الباب على هيئة أبو الفضل العباس، وعيونه دم. أني گمت أبچي، وهو همين گام يبچي وياي، وبچينا سوى. بهاللحظة أخذت عهد على نفسي: كل يوم أسبّح «اللهم عجّل لوليّك الفرج» ٣١٣ مرة، حتى رب العالمين يعجّل بفرجه، لأنه حزين ومظلوم، ويريد أحد يحس بحزنه والظلم اللي بيه، ويبچي صباحًا ومساءً دم على أبو عبد الله الحسين... ✨اللهم صلِّ على محمد وآل محمد وعجل فرجهم وابعث ثوابها الى اموات المسلمين والمسلمات والمؤمنين والمؤمنات والى كل نفس منسية نياية عن فاطمة الزهراء *الي جاي تقرا هل منشور اذا عندك شي قصة معجزة رؤيا وحاب انقله بالخدمة اني تفضل خاص #غديري #الغدير #ياعلي_مولا_عَلَيہِ_السّلام #ياعلي

كرامات اهل البيت مع الناس✨🤍

Open In TikTok:

Region: IQ

Sunday 04 January 2026 17:01:25 GMT