@aweahad: يارب خذني بين اياديك تايب ‏قدام اجيك علوّ الامتان مشيول ‏لو ماني العبد المطيع المثايب ‏وماني بسيفٍ فوق اعاديك مسلول ‏لكني اطهر من مزون السحايب ‏كاني من مياه السماوات مغسول ‏ان جيتني يالليل ويش انت جايب ‏يامرحـبا والـي يجي منك مقبول ‏نـفسي لها مده لـعينة صلايب ‏من دونها باب الوناسات مقفول ‏كلٍ يشوف اني مقصر وغايـب ‏وانا مقصر صدق مدري وش اقول ‏قمت اتعذر بالشغل والطلايب ‏وانا قسم بالله ماني بمـشغول ‏ومقفلٍ جوالي بلا سبـايب ‏وهالحين لو دقيت تلقاه مقفول ‏عيّت على صدري تهب الهبايب ‏ما اداني الجمعه ولا اداني الضول ‏ماكن لي بين الحبايب حبايب ‏لو اضحك شوي ، اتعومس على طول ‏خسرت ربعٍ طيبين وقرايب ‏احبهم لكن مابي منهم الزول ‏مانيب والله يا رياجيل خايب ‏تدرون بي مانيب هامل ومجهول ‏معي بلاً عجزت عليه الطبايب ‏يتكني وانا ما عندي له حلول ‏تمكنت بي لي شفت العطايب ‏وليا بغيت اصدها سجلت قول #محمد_السكران #fyp #4u