@cutiya_mahad: "Boholyowday ruuxdii Beerkaagu tebi jiray"🥹 Inaad negi tahay, Xasillooni iyo bedqabna ku sugantahay ayaan rajeynayaa. Waa saq-badh, cid walba oo dallaanaydna ay dhaceen dhulkana ku nasanayaan. Cabbaar kahor ayaan hawl kasoo faro laabtay, Qolka ayaan furaha suray intaanan furin ayaan se nafta u sheegay "Ogobeey qolkaan madow is nacdeene kaalay caaway dayaxa iyo neecawdaa deggan dugaal ka day", intaan horay u galay Kombiyuutar aan sitay iyo dharkiina culayskooda iska reebay, soo wayso qaatay ayaan soo xaadiray halkii aan isu sheegay. Waxaan dhacdiid ugu jiifsaday jardiinka guriga oon katiifad iyo barkin iska xijiyay. Waxaan sugayaa inta dayaxu kasoo muuqanayo caleemaha lulanaya ee mirimiriga jardiinka hortiisa ah, waxaanse sii daawanayaa kaahiisa iyo xiddigahaa inta ishu qabanaysaba, kuna sii weheshanayaa heesihii Hodantii Hablaha. ❤️ Beryahaanba ruuxdu culayska iyo shaqadaa ku badnaa, waxaase usii dheeraa mawjado waawayn oo midba mid ii sii dhiibaysay, waxay naftu xejin la'dahay karka xiisahaaga iyo Sida uu kalgacalkaagu ii saameeyay, dareenno badan oo ay naftu majeeronaysay, Busayl, Beerqaad iyo boholyow daran oo ay u dareemaysay ruuxdii kale ee ay is haleeli jireen wehelkana isu ahaayeen. Maalmo iyo cishooyin badan oo aannu is mooganayn waxaa cajiib ah inaan laydhaa raxmadda lahayd aanan dib dambe u dheehan una dareemin, malaha adigay ku raacdayba! Hirar xasuuso ah ayay naftu hillaadinaysaa, waxaan dib u majeertay Cawaskayagii cuddoonaa, gobonnimadaadii, Caraftaadii udgoonayd, heesihii aannu wada dhageysan jirnay, sheekooyinkii iyo weedhahaagii wacnaa, Dhunkashadaadii, dhiirigelintaadii iyo dadnimadii kugu idlayd. Waxaan kolba sawiranayaa dugaalka Laabtaadii hu'ga ii ahayd markaan is haleelnaba. Asalkaba marka qofku maskaxada iyo naftaba ka daalo waxaa mahuraan ah inuu helo Habsiin qoto dheer oo illowsiisa daalkii badnaa, tamar hor lehna uu ka helo. Gacaliye walow aanay ahayn inaanu sidaa isu moogaano muddadaa dhan, haddana mashquulka hawleed iyo is haleeli waaga waanu isugu cudurdaaraynaa waxaanse rajeynayaa inaan si dhow isu helno. ❤️🫂 #Waankuuxiisay.

Cutiya

Open In TikTok:

Region: SO

Wednesday 07 January 2026 16:02:28 GMT