@jaceylow447: Mararka qaar xiisuhu ma dhinto hal mar, ee si tartiib ah ayuu u baxaa, sida neef aan la dareemin. Wuxuu ka bilaabmaa hadal yaraada, dareen la qariyo, iyo ballamo aan la fulin. Qof walba qalbigiisa ayuu ku mashquulaa, mid walbana wuxuu illoobaa in jacaylku u baahan yahay daryeel joogto ah, sida ubax aan biyo la’aan engega. Xiisa dhaca waxaa keena faham la’aan, marka qofku u maleeyo in jacaylku yahay wax iskiis u socda, balse uusan ahayn wax la ilaaliyo. Waxaa keena kalsooni jab, erayo qalafsan oo qalbi gooya, iyo ficillo yaryar oo noqda dhaawac waaweyn. Mararka qaar, mid baa dadaala midna wuu daalaa, mid baa hadla midna wuu aamusa, halkaasna xiisihii ayuu ku naf baxaa. Waxa ugu xanuunka badan waa marka aad weli jeceshahay qof, balse aad dareento in aadan muhiim u ahayn sidii hore. Inaad aragto qofkii aad nafta u hibeysay oo si fudud kuu illoobaya, adigoo weli qalbiga ka xiran. Waa xanuun aan erayo lagu sifeyn karin, waa jab qalbi oo ilmada ka horreeya. Xiisa dhaca wuxuu kaloo ka yimaadaa marka la is qaato, marka la illoobo qiimaha qofka kula jooga, ilaa laga waayo. Markaas ayaa la ogaadaa in jacaylku uusan ahayn joogitaan keliya, balse uu yahay dareen la wada ilaaliyo. Laakiin mararka qaar, ogaanshuhu wuxuu yimaadaa goor dambe, markii qalbigu horey u jabay. Ugu dambeyn, xiisuhu wuu dhici karaa, balse xanuunka ka dhasha wuu sii nagaan karaa. Qof baa ka bogsada, qofna wuu ku dhaawacmaa. Qof baa illooba, qofna xusuus ayuu la noolaanayaa. Jacaylku waa qurux, balse marka uu dhaawacmo, wuxuu noqdaa cashar xanuun badan oo qalbiga lagu barto…

MOHAN🔰⛓️🌷

Open In TikTok:

Region: SO

Friday 09 January 2026 11:04:32 GMT