@abumarawan14: #creatorsearchinsights في ناس فاكرة إن ترك الصلاة موضوع بسيط… وإن ربنا غفور رحيم وخلاص. آه ربنا غفور رحيم، بس هو كمان شديد العقاب، واللي خلقك هو اللي أمرك. تارك الصلاة مش دايمًا شخص وحش، بس أكيد شخص محروم… محروم من السكينة، من الطمأنينة، من الراحة اللي بيدور عليها في أي حاجة غير ربنا. تخيل تعيش سنين وربنا ينادي عليك خمس مرات في اليوم وأنت ولا مرة ترد… أي جفاء ده؟ وأي قسوة قلب وصلتلها؟ الصلاة مش عادة، ولا تقليد، ولا حاجة على الهامش، الصلاة هي العهد اللي بينك وبين ربنا. اللي قطع العهد ده، قطع نفسه بنفسه. متقولش لما أبقى أحسن أبدأ أصلي، لأنك عمرك ما هتبقى أحسن غير لما تصلي. ومتقولش ذنوبي كتير، لأن الصلاة بتمسح الذنوب زي ما الميه بتمسح الوسخ. إوعى تفتكر إن لسه بدري، الموت مش بيستأذن، والقبر مفيش فيه تأجيل، واللي راح مبيكتبش بوستات ندم. لو قلبك لسه فيه ذرة حياة، قوم دلوقتي… اتوضّى، وصلّي ركعتين، وقول: يا رب أنا ضعيف بس راجعلك. ربنا لا يرد عبد ساب كل حاجة وجاله.

Abu Marawan 🤝

Open In TikTok:

Region: EG

Wednesday 14 January 2026 00:41:53 GMT