@bilgen.durys: ⚡️Қазақстанның Халық партиясының депутаттары Үкіметке алкоголь өнімдерінің сатылуын қатаң бақылауға алу туралы ұсыныс жолдады. Ішкі істер министрлігінің мәліметінше, ауыр қылмыстардың көп бөлігі мас күйде жасалады, оның ішінде кәмелетке толмағандардың қатысуымен болатын оқиғалар да бар. Партия өкілдері алкогольдің тым қолжетімді екенін айтып, оны балалар мен білім беру ұйымдарының маңында сатуға тыйым салуды ұсынды. Сонымен бірге сауда орындарының санын қысқарту және спирттік ішімдіктерге міндетті цифрлық таңбалау енгізу мәселесі көтерілді. Депутаттар алкогольді дүкендерде кешкі 20:00-ден кейін, ал кафе мен мейрамханаларда 22:00-ден кейін сатуға тыйым салуды ұсынды. Сондай-ақ интернет арқылы сатуды толық тоқтату қажет екенін жеткізді. Бұдан бөлек, балалар мен жастар арасындағы маскүнемдіктің алдын алуға бағытталған арнайы профилактикалық бағдарлама әзірлеу ұсынылды. #алкоголь #депутат #қазақстан #рек #bilgendurys

BILGEN DURYS

Open In TikTok:

Region: KZ

Wednesday 14 January 2026 10:39:37 GMT