@karakiya_ms: Маңғыстауда азаматтардың құқықтарын қорғау құралының тиімділігі талқыланды. Маңғыстау облысында «Омбудсмен+» моделі бойынша ұлттық алдын алу тетігінің қызметіне арналған жиын өтті. Отырыста 2025 жылы атқарылған жұмыстардың қорытындысы шығарылып, 2026 жылға арналған негізгі мақсаттар мен басым бағыттар қаралды, деп хабарлайды Қоғамдық коммуникация орталығы. Іс-шараға Маңғыстау облысы әкімінің орынбасары Аббат Өрісбаев, адам құқықтары жөніндегі уәкіл Асылан Кужиев, денсаулық сақтау басқарма басшысы Бекболат Ізбасаров, білім беру, жұмыспен қамту және әлеуметтік қорғау, полиция, қылмыстық-атқару жүйесі, қорғаныс және ұлттық қауіпсіздік салаларының басшылары қатысты. Жиын барысында Маңғыстау облысы әкімінің орынбасары Аббат Өрісбаев бұл жұмыс «Қазақстан Республикасындағы Адам құқықтары жөніндегі уәкіл туралы» Конституциялық заң аясында жүзеге асырылатынын атап өтті. - Ұлттық алдын алу тетігі - азаматтардың құқықтары мен бостандықтарын қорғауда маңызды құрал. Ол азаптауға, қатыгез немесе адамгершілікке жатпайтын іс-әрекеттерге жол бермеуге мүмкіндік береді. Бұл механизм Қазақстан Республикасындағы Адам құқықтары жөніндегі уәкіл туралы заңға сәйкес жұмыс істейді. Біз бұл тетікті одан әрі дамытып, қоғамдағы әлжуаз топтардың құқықтарын қорғауға ерекше көңіл бөлуіміз қажет. Сонымен қатар, бұл жұмыс білім беру, денсаулық сақтау, әлеуметтік қорғау, құқық қорғау және басқа да салалардың үйлесімді әрекетіне негізделеді, - деді Аббат Өрісбаев. Жиын соңында ұлттық алдын алу тетігінің қызметін насихаттауға бағытталған ақпараттық материалдар таныстырылып, пікірталаспен қорытындыланды.

There are no more comments for this video.

To see more videos from user @karakiya_ms, please go to the Tikwm homepage.