@nationalmuseumkz: Бүгін Қазақстан Республикасының Ұлттық музейінде Қазақстан Республикасы Мәдениет және ақпарат министрлігінің қолдауымен «Таң Шолпан» халықаралық тәуелсіз әйел суретшілер қорының 25 жылдық мерейтойына арналған «СЕНІМ» атты мерекелік көрменің салтанатты ашылуы өтті. Көрменің басты мақсаты – отандық және халықаралық өнер кеңістігінде әртүрлі бағыт пен жанрда еңбек етіп жүрген, өзіндік қолтаңбасы бар, инновациялық идеяларымен ерекшеленетін, жоғары кәсіби деңгейдегі дарынды әрі креативті әйел суретшілердің шығармашылығын кеңінен насихаттау. Салтанатты шарада Қазақстан Республикасы Мәдениет және ақпарат министрлігі Мәдениет комитетінің төрағасы Ерлан Ерғазыұлы Дәкенов Премьер-министрдің орынбасары - Қазақстан Республикасының Мәдениет және ақпарат министрі Балаева Аида Ғалымқызының құттықтау хатын оқи отырып, нәзік жандылардың өнердегі орнына айрықша тоқталды. Көрмеге 150-ден астам шебер ханымдардың қолынан шыққан ұлттық қолөнер бұйымдары, зергерлік әшекейлер, сәндік заттар мен түрлі кәдесыйлар қойылған. Әр туындыда терең мағына. Яки нәзік сезім мен махаббатты көруге болады. ҚР Ұлттық музейі директорының міндетін атқарушы Сайран Дүйсеновтың айтуынша, көрме екі ай бойы көрермен назарына ұсынылады. Сонымен қатар, алдағы уақытта да осындай мәдени-ағартушылық шаралар жалғасады. Бұл күнгі құрметті меймандар қатарында Қазақстан Республикасы Парламенті Сенатының депутаты Жанна Бейсентайқызы Асанова, сондай-ақ Қазақстанның еңбек сіңірген қайраткері Естай Дәубаев қатысып, мерейтой иелеріне жылы лебіздері мен құттықтау тілектерін жеткізді. Тұнып тұрған ұлттық қолөнер, көз сүйсіндірер, қараған жанды бейжай қалдырмайтын көркем туындылар сіздерді Қазақстан Республикасының Ұлттық музейінің 4-қабатында күтеді. Өнер мен шабытқа толы «СЕНІМ» көрмесіне қош келдіңіздер!

591

There are no more comments for this video.

To see more videos from user @nationalmuseumkz, please go to the Tikwm homepage.