اخاف عليك تتبده شعر مالمتك مَاشه يدم كلبي وهوى نعاشه شعَزك من تمر بالروح وانت بكل جرح تنحط اخاف عليك اذل روحي وأخافن بيه تتورط افا ؟ يمحجل الرجلين خَلاك الوكت تفحط ومحد شالك بروحَه طحت جمره على دشداشه أريدك تثبت بروحَي ادك عَليك دك مربط وانا ادري بيك حلم جذاب بس ردتك ويكولون الجذب مَرات يسوه الصدك المخربط شك الكاغد انشكيت شتظن ينراف يتخيط وكلبت الجمر بأيدي صرت دلته ومنكاشه ودوم انت بوسط عيني عشرة خيط للمخيط شعَرك عايش على اللّٰه ينبت الشيح ضل بعنفوانك ولا ترجه الشط طلسم كاتبك بأيدي أفتهم معناك وغيري يشوفك مشخبط لسهر لك سهر جتال ... - @4vtit