⚡️Астанада өткен үйлену тойында жасы үлкен, алкогольдік мас күйде болған ер адам сахнада өнер көрсетіп жатқан биші қызға тиісіп, оның биін тоқтатқан. Оқиға туралы әйел Threads әлеуметтік желісінде жазып, арада екі күн өтсе де, полицияға арыз жазатынын мәлімдеді. Оның айтуынша, 14 жылдық тәжірибесінде мұндай жағдай алғаш рет болған. «14 жыл ішінде алғаш рет осындайға тап болдым. Бұл нағыз қорқыныш болды. Енді сахнаға шығудан қорқатын болдым. Ең сорақысы – бұл бөтен, қатты мас адам еді. Ол менің биімді әдейі тоқтатып, тіпті өміріме де қол сұқпақ болды», – деп жазды биші. Артистің сөзінше, оқиға қонақтардың көз алдында болғанымен, ұйымдастырушылар да, той жүргізушісі де тиісті әрекет жасамаған. «Арыз жазамын, екі күн өтсе де. Мұны жазасыз қалдыруға болмайды. Оның үстіне тапсырыс берушілер мен тамада сол жерде оның атын жасырып қалды. Мен жалғызбасты анамын, үш баламды осы еңбегіммен асыраймын. Ол кім өзі, маған бұлай әрекет етуге құқығы бар ма?», – деді әйел. Жазба қоғамда резонанс тудырып, қолданушылар пікірлерде бишіге құқық қорғау органдарына міндетті түрде жүгінуге кеңес берді. Кейбірі ер адаммен қатар ұйымдастырушылар да жауап беруі керек екенін айтты. #астана #той #қазақстан #рек #bilgendurys - @bilgen.durys