@karakiya_ms: Ақтауда шағын ауданішілік жолдарда су тазалау жұмыстары тәулік бойы жүргізілуде. Ақтау қаласының шағын аудандары аумағында қар аралас жаңбыр салдарынан жиналған суды тазалау бағытында жұмыстар жүргізілуде. Шағын аудан ішіндегі автокөлік жолдары мен жаяу жүргіншілер аймақтарында су жиналудың алдын алу мақсатында арнайы техника мен коммуналдық қызмет өкілдері жұмылдырылған. Аталған жұмыстарға 5 ассенизатор, 10 мотопомпа және 40-қа жуық коммуналдық мекеме қызметкері тартылып, тазалау шаралары тәулік бойы, күндізгі және кешкі мезгілдерде атқарылуда. - Қауіпті учаскелер тұрақты бақылауда болып, қажеттілік туындаған жағдайда қосымша күштер мен техника жұмылдырылады. Қала аумағындағы жағдай әкімдік тарапынан бақылауда, жұмыстар бекітілген жоспарға сәйкес жалғасуда, — деді Ақтау қалалық тұрғын үй-коммуналдық шаруашылық бөлімінің бас маманы Әсет Баспаев. Айта кетейік, қаланың өзге шағын аудандарындағы су сору шаралары кезең-кезеңімен жалғасын табады.

There are no more comments for this video.

To see more videos from user @karakiya_ms, please go to the Tikwm homepage.