@karakiya_ms: Киберқылмыс деңгейін төмендету мақсатында Мұнайлы ауданының прокуратурасы Аудандық Полиция бөлімімен бірлесіп, халықтың көп шоғырланатын орындарында алаяқтықтың алдын алу бойынша түсіндірме парақшаларын тарату арқылы профилактикалық іс-шара өткізді. Іс-шараның мақсаты — алаяқтық тәуекелдерін азайту, халықты сақтық шараларына үйрету және алаяқтыққа қарсы саналы көзқарас қалыптастыру, қоғамдық қауіпсіздікті қамтамасыз ету. Осыған байланысты Аудан прокуратурасы Сізден, • Бейтаныс адамдарға ақша аудармауыңызды; • Бейтаныс электрондық поштaдан келген сілтемелер мен файлдарды ашпауыңызды; • Банктік картаңыздың реквизиттерін бермеуіңізді; • Тауарды сатып алу кезінде алдын ала төлеуге келіспеуіңізді; • Әлеуметтік желілер мен мессенджерлерде ұсынылатын күмәнді қаржыландыру мен инвестициялардан бас тартуыңызды; • Банктік шоттарыңызды ешкімге жалға немесе уақытша пайдалануға бермеуіңізді сұраймыз. Аудан прокуратурасы Сіздерді алаяқтардың арбауынан сақ болуға шақырады.
