@rabar95_: شەوەکانم بە سەختی تێدەپەرن، دەگەرێمەوە ماڵەوە و دەچمەوە نێو باوەشی ژورەکەم، شەوێک گریان و شەوێک ئازار و شەوێک تەنهایی لەگەڵ پێخەفەکەی خۆمدا لول ئەدەم، من ئێستا تووشی ئیفلیجی بووم، نەک ئەو ئیفلیجیەی دەست و قاچم ئیش نەکەن، ئەو ئیفلیجیەی توانای دڵخۆشیم نەماوە، توانام نەماوە بە درۆش پێپکەنم، بە رادەیەک خراپم هەرگیز وانەبووم، پێشتریش خراپ بووم بەڵام نەک بەم رادەیە، ئێستا بیرکردنەوە لە مرۆڤەکانیش حاڵم تێکدەدات، جاران هەرنەبێ دەمتوانی شتێک بدۆزمەوە تا حاڵمی پێ باش بکەم، کتێبێک فیلمێک گۆرانیەک پیاسەیەک دۆستێک ئاشنایەک وێنەیەک، وەلی ئێستا هیچ شتێک نادۆزمەوە تا حاڵمی پێ باشتر بکەم، هەموو شەو کەللەی سەرم دەتەقێت و بەیانیان پارچەکانی کۆدەکەمەوە، ئێستا جیاوازە پارچەکانیم بۆ کۆنابێتەوە و کۆنابێتەوە.