ابھی تو ہم مسکرا کر سب سہہ لیتے ہیں، ابھی تو ہم اپنی آنکھوں کے نم کو ہونٹوں کی ہنسی میں چھپا لیتے ہیں۔ ابھی تو ہم ہر تلخ بات کو “چلو چھوڑو” کہہ کر دل کے کسی اندھیرے کونے میں دفن کر دیتے ہیں، کیونکہ ہمیں ڈر ہے کہ اگر بول پڑے تو ہماری خاموشی ٹوٹ جائے گی اور لوگ ہمیں کمزور سمجھ لیں گے۔ ہم نے سیکھ لیا ہے کہ تکلیف کو لفظ نہ دو، ورنہ لوگ اسے تماشہ بنا لیتے ہیں۔ ہم نے سیکھ لیا ہے کہ اپنے زخم دکھاؤ تو ہمدردی کم اور فیصلے زیادہ ملتے ہیں۔ اس لیے ہم چپ ہیں… مگر اس چپ کے اندر ایک شور ہے، ایک چیخ ہے، ایک پوری کہانی ہے جو ہر رات ہماری نیند سے پہلے جاگ اٹھتی ہے۔ کبھی وقت بدلا تو بتائیں گے کہ ہمیں کس کی باتوں نے توڑا، کس کی خاموشی نے مارا، اور کس کے “سب ٹھیک ہو جائے گا” نے ہمیں اندر ہی اندر کتنا تنہا کر دیا۔ کبھی وقت بدلا تو بتائیں گے کہ ہمیں نظر انداز ہونا کتنا برا لگتا تھا، کہ اپنا ہو کر بھی اکیلا رہ جانا کیسا زہر ہوتا ہے۔ کہ وہ لوگ جن کے لیے ہم نے اپنی ترجیحات بدلی تھیں وہی ہمیں بھول جانا کس قدر توڑ دینے والا ہوتا ہے۔ ابھی تو ہم مضبوط بنے پھر رہے ہیں، لیکن سچ یہ ہے ہم بھی تھک جاتے ہیں، ہم بھی رو پڑنا چاہتے ہیں، ہم بھی کسی کے سامنے بیٹھ کر کہنا چاہتے ہیں “بس اب نہیں ہو رہا…” مگر شاید وقت نہیں آیا، شاید دل کو ابھی اور صبر سیکھنا ہے۔ کبھی وقت بدلا تو ہم صرف شکایت نہیں کریں گے، ہم اپنی خاموشی کی ساری قیمت بھی بتائیں گے… کہ ہم نے ہنس کر کتنا رویا تھا۔ #fyp #brokenhearts #urdu #viral #unfreeze - @itsthemghere