ဘာမှမဖြစ်သလို နေလိုက်ရင် ဘာမှမဖြစ်တော့ဘူး “တဲ့ the queen who crown ထဲက ကြိုက်မိတဲ့ စာသားတစ်ခု ။ သူအရမ်းပြိုလဲပြီး နာကျင်နေရမဲ့အချိန်မှာ စိတ်အေးလက်အေးနဲ့ပဲ သန်မာပြနေလို့ ဘေးလူကမေးတဲ့အခါ သူဘာမှမဖြစ်တာတော့မဟုတ်ဘူး ဒါပေမဲ့ ဘာမှမဖြစ်သလို နေလိုက်မယ် ဒီကိစ္စကကြီးကြီးမားမားကိစ္စမဟုတ်သလိုမျိုး သာမာန်ပါပဲလို့ သဘောထားပြီးနေလိုက်မယ်ဆိုရင် အဲ့ဒါဆို ဘာမှမဖြစ်တော့ဘူးဆိုတဲ့ အဓိပ္ပါယ်ပေါ့ တကယ်လည်းကျွန်တော်တို့ဘဝမှာ အသက်ကြီးလာတာနဲ့အမျှ မမျှော်လင့်ဘဲ ကြုံတွေ့လာရတဲ့ ဒုက္ခတွေ၊ အနာတရတွေ ခက်ခဲပင်ပန်းမှုတွေ ၊ နာကျင်စရာတွေ ရှိတတ်ပါတယ် ဒါပေမဲ့ ဒါတွေကို အမြဲတမ်း နာကျင်ပြလိုက် ငိုကြွေးပြလိုက်နဲ့လုပ်နေရင်လည်း ဘဝမှာ ပျော်စရာရယ် စိတ်ချမ်းမြေ့စရာရယ်လို့ရှိနိုင်မှာမဟုတ်တော့ဘူး ။ ကျွန်တော်တို့က ဒဏ်ရာလေးရလာလိုက် ဒါလေးကို တနုံနုံခံစားလိုက် ၊ နေ့ရက်တိုင်းမှာသယ်ပိုးသွားလိုက် ၊ မေးခွန်းတွေအဖြေတွေရှာလိုက်နဲ့ လုပ်နေသရွေ့တော့ ကိုယ်ပဲ ဒီဒဏ်ရာရဲ့ အနာတရရဲ့ လေးပင်မှုဒဏ်ကနေ လွတ်မြောက်နိုင်မှာမဟုတ်ဘူး ။ ဘဝမှာ တစ်ခါတလေ ကိစ္စအကြီးကြီးတွေ၊နာကျင်စရာကိစ္စတွေကြုံလာတဲ့အခါလည်း ဘာမှမဖြစ်သလို နေတတ်ရတယ်။ တချို့ကိစ္စတွေက နက်နက်နဲနဲတွေးလေ ပိုနာကျင်ခံစားရလေ စေ့စေ့ကြည့်လေ အကျဉ်းထန်လေ ဖြေရှင်းဖို့နည်းလမ်း ပြန်လှည့်ဖို့လမ်းမရှိဘဲ နာကျင်ရတဲ့အခြေအနေတွေဘဝမှာ အများကြီးပဲ ကိုယ်က ဆက်သွားနေဦးမှ ဖြစ်မဲ့ လူတွေနဲ့၊အရာတွေနဲ့ဆိုရင် တချို့အရာတွေကို တချို့အဆင်မပြေမှုတွေကို ဘာမှမဖြစ်သလို နေတတ်ဖို့လည်းလိုတယ်။ အရမ်းပြိုလဲပြီး နာကျင်စရာကိစ္စကြီးကြီးမားမားတွေဆိုရင်လည်း ဖြစ်ပြီးတာကဖြစ်ပြီးတာမို့ ကိုယ်တတ်နိုင်သလောက်ပဲ ကြိုးစားနေထိုင်ရင်း ကိုယ့်ကိုယ်ကိုယ်လည်း ဒီကိစ္စကဘာမှမဟုတ်ဘူး ဒီလိုပဲ ဖြစ်တတ်တယ်လို့ နှစ်သိမ့်ပေးတဲ့အခါ ရှေ့ကိုအသက်ရှုချောင်ချောင်လေးဆက်ပြီး လျှောက်လှမ်းသွားနိုင်မလားပေါ့။ စေ့စေ့ကြည့်ပြီးတွေးကြည့်ရင် တနုံနုံနဲ့ခံစားနေရင် နာကျင်စရာ ၊ ရင်နင့်စရာတွေပဲမို့ စိတ်ထဲအရေးတယူ မထားဘဲ ဘာမှမဖြစ်သလိုနဲ့လည်း ရှေ့ဆက်တတ်ပါ ဒါဟာကိုယ်အသက်ရှုချောင်ဖို့ပါ ။ ဘာမှမဖြစ်တာတော့မဟုတ်ပါဘူး ဒီလိုပဲ ဘာမှမဖြစ်သလို နေနေရတာပေါ့ #Nayvel #crd #fyp #viral #foryou - @stilllostmaii