@xuubssde: Afhayeenka Madaxweynaha Jamhuuriyadda Somaliland, Mudane Xuseen Aadan Cige (Dayr), ayaa sheegay in Jamhuuriyadda Somaliland ay duruufo aad u adag kaga soo gudubtay geesinimo, naf-hurnimo iyo go’aan adag oo aan marnaba la jabin karin. Afhayeenka Madaxweynaha ayaa qoraal uu ku baahiyey bartiisa X, kaas oo ay soo turjuntay Wakaaladda Wararka Somaliland ee SOLNA ayuu ku sheegay in qaran kastaa maro waqtiyo adag oo tijaabiya adkaysigiisa, dulqaadkiisa iyo midnimada dadkiisa. Muddane Dayr Waxa uu tilmaamay in shacabka Somaliland, ay hore u soo mareen marxalado ka ad-adag kuwa maanta jira, oo ay ka mid ahaayeen go’doon iyo xasuuq baahsan. Afhayeenku waxa uu carrabka ku adkeeyey in shacabka Somaliland ay kaga adkaadeen caqabadahaas geesinimo, alla bari iyo go’aan adag, isla markaana maanta ay mideysan yihiin, kuna filan yihiin inay ka gudbaan khatar kasta oo soo food saarta qarankooda. Sidoo kale, Afhayeenka Madaxweynaha ayaa sheegay in waqtigan uu yahay mid u baahan feejignaan qaran iyo midnimo buuxda, si wadajir ahna looga hortago cid kasta oo ka soo horjeedda jiritaanka, amniga iyo danaha Jamhuuriyadda Somaliland. Ugu dambayn, waxa uu xusay baahida loo qabo in si adag loola dagaallamo shakhsiyaadka ama kooxaha ku dhuumanaya diinta, balse diidan xuquuqda sharciga ah ee Jamhuuriyadda Somaliland u leedahay inay noqoto dal xor ah, madax-bannaan, isla markaana ka mid noqda beesha caalamka. Waxa uu si gaar ah u sheegay in Somaliland ay si adag ula dagaallamayso shakhsiyaadka ama kooxaha ku dhuumanaya magaca diinta, balse dhab ahaantii u adeegaya dano shisheeye, kana hor imanaya xaqa sharciga ah ee Jamhuuriyadda Somaliland u leedahay inay noqoto dal xor ah, madax-bannaan, oo ka mid ah beesha caalamka. Ugu dambayn, Afhayeenka Madaxweynaha Jamhuuriyadda Somaliland waxa uu farriin cad u diray cadowga gudaha iyo dibadda, isaga oo sheegay in Somaliland aanay marna dib uga laaban doonin ilaalinta jiritaankeeda, qaranimadeeda iyo go’aankeeda madax-bannaan.

شجر نيم

Open In TikTok:

Region: SO

Tuesday 27 January 2026 10:05:02 GMT