دايم نجلس نحمل نفسنا اشياء فوق طاقتنا ، نحملها افكار و نحملها هموم و مشاكل و ما ندرك ان بعض الاشياء ما كانت تستاهل ، تدقق على اصغر و ادق التفاصيل بحياتك و تهلك نفسك و نفسيتك على اشياء ما تستاهل زعل منك و لو دقيقة وحده ، الحياة اكبر من انك تحصرها بدائرة مشاكل صغيره و توهم نفسك انك بتجلس عالق بذي الدائرة و مستحيل تطلع منها ، التركيز على اصغر المشاكل بيشتتك عن حياتك و عن طريقك لان القُرب حجب ، اذا تحط يدك قدام عيونك بالضبط هل بتشوف شي غير يدك؟ بتحسب ان الحياه كلها ملخصة بيدك الي جالس تشوفها و شاغل بالك فيها ما دريت ان في وراء يدك حيااااة كامله يا انسان في حياة و دنيا ربي خلقها كلها لك و خلقك انسان حر طليق ما يتقيد بمشكلة و بضيقة معينه ، وخر يدك عن عيونك و استوعب ان حياتك مستحيل تتوقف لسبب واحد او مشكله وحده و استوعب ان الوقت و الايام كفيل بانه يغير و يعالج كل شي ، مشاكلك الي كانت تاكلك من الضيق قبل سنتين و ثلاث و اربع سنين باقي تتذكرها الحين؟ و لو تتذكرها هل باقي مهتم لها و متضايق عشانها ؟ لا ! كلشي راح و مر ولا اثر بحياتك ولو مقدار ذرة لا تزعل نفسك عشان شخص او عشان موقف او عشان فشل او عشان ضعف ، دايم في فرصة ثانيه ، دايم في تجربة اخرى دايم في سيناريو ثاني ، الحياه تعطيك فرص ما تنتهي ، لا تزعل بسبب شخص ولا بسبب موقف ولا بسبب فشل لأنك لازم تكون على يقين ان كلشي بحياتك يصير لك فيه خيره و في وراه حكمة مستحيل ربي بيخليك تمر بمواقف تزعلك و تضايقك عن عبث يمررك بمواقف تحسسك بالضعف عشان تتعلم القوة يمررك بمواقف تحسسك بالفشل عشان تنجح يمررك بمواقف تحسسك بالحزن و الضيق عشان تحس بلذة الفرح يمررك بالتعب عشان تستمتع و تستوعب لحظة الراحة يمررك بالفقر عشان يخليك غني ، الشيئ لا يُعرف الا بضده . التضاد شي اساسي بالحياة لكن قليل من يستوعب هالكلام . اذا ما مريت بظروف تمتحن صبرك كيف بتتعلم الصبر؟ ، اهدأ يا انسان ولا تحمل نفسك اكثر مما تطيق تراك بالنهاية بــــشـــــر لا انت حارس للنجوم ولا انت غارس للقمر . { و عسى ان تكرهوا شيئًا و هوَ خَيرٌ لكم و عسى ان تحبوا شيئًا و هوَ شَرٌ لكم و الله يعلمُ و انتم لا تعلمون } #هواجيس #قصايد #شعر #قصيده #خواطر - @qp8q_