@megdadahmed22: خلّيني أقرب من خوفك قبل فرحك، وأقعد معاك في اللحظات البتسبق الكلام لما العيون تحكي أكتر من اللسان. خلّيني جنبك ما داير أكون سبب تعبك، داير أكون راحتك لما الدنيا تقسى وما ترحم. أنا عارف الزمان دوّار والقلوب بتتعب من كترة الصبر، لكن وجودي حداك ما ح يكون حمل، ح يكون سند ساكت… زي دعوة أم في نص الليل. خلّيني جنبك لو ضحكت، أضحك معاك، ولو زعلت، أسكت وأسمعك، ما أستعجل الفرج ولا أستصغر الوجع. أنا ما بطلب منك تكون كامل، ولا داير حب يشبه الحكايات، دايرك زي ما إنت بقلبك البتكسّر ويرجع يتلم. خلّيني جنبك في الصباحات الهادية وفي الليالي التقيلة، خلّيني أكون الاسم البخطر في بالك لما تحتاج أمان. ولو سألتني الدنيا: إنت منو؟ أقول ليها أنا الزول القال: خلّيني جنبك ووفّى بالكلام. #خواطر #سودانيز_تيك_توك_مشاهير_السودان🇸🇩 #سودانيز_تيك_توك_مشاهير_السودان #جخو،الشغل،دا،يا،عالم،➕_❤_📝