ألعاب للشيطان بيلعبها معاك . وإنت مش واخد بالك! 😈 الشيطان مش بييجي مرة واحدة يقولك : أعصي! ده شاطر … بيدخل عليك من أضعف نقطة جواك ، من أفكارك ، من مشاعرك ، من لحظات كسرك وضعفك وتعبك … خلّيك واعي ، دي أشهر لعبه بيلعبها مع الإنسان : 😈 يزرع جواك اليأس من نفسك ومن ربك ، يخليك تحس إنك ضايع ومفيش أمل . 😈 يخوفك من المستقبل ويقنعك إن اللي جاي أسوأ . 😈 يوصلك لجلد الذات : إنت فاشل – إنت متستاهلش – إنت دايمًأ غلط . 😈 يكبّر نقطة الفراغ اللي جواك علشان تحس إنك ناقص دايمًا . 😈 يخليك تعيش دور الضحية أو اللوم المستمر . 😈 يخليك تكلم نفسك بسلبية طول الوقت . 😈 يقنعك إنك أقل من غيرك فتقارن نفسك بالناس . 😈 يضغط عليك بالكمال : يا إمّا كامل يا إمّا ولا حاجة . 😈 يزيّنلك الحرام الأول … وبعد ما تقع يحسسك بتأنيب ضمير قاتل . 😈 يحب يشوفك زعلان أو غضبان علشان قراراتك تبقى غلط . 😈 يبررلك الغيبة والنميمة باسم “ده رأيي” . 😈 يزرع جواك إن البشر أقوى من ربنا . 😈 يفكرك بالماضي المؤلم علشان متعرفش تبدأ من جديد . 😈 يخلي صبرك قصير ويقولك : جربت ومفيش فايدة . 😈 وقت المعصية يقنعك إن الانتحار أرحم حل ! 😈 يرسم صورة إن ربنا بيغفر للكل … إلا إنت ! 😈 في اليأس يقولك : ما هي خربانة خربانة . 😈 وقت التسلية يجيبلك الغلط ويقولك : مرة ومش هتضر . 😈 يزرع الشك وسوء الظن في علاقتك بالناس . 😈 يخليك تضغط على نفسك في حاجات إنت عارف إنها هتأذيك . الشيطان شغله الأساسي مش الذنب… شغله الحقيقي إنه يبعدك عن ربنا بعد الذنب . ملحوظة مهمة جدًا : ذكر ربنا بأي شكل بيكسر كيد الشيطان فورأ . مفيش إنسان معصوم.… لكن الشيطان مش سلطان عليك . تقع ؟ تقوم. تذنب ؟ تتوب تضعف.؟ ترجع أقوى . ﴿ إِنَّ كَيْدَ الشَّيْطَانِ كَانَ ضَعِيفًا ﴾ مش ضعيف في وسوسته … ضعيف قدّام اللي فاهم لعبته ومتمسك بربه . للإستفسار والعلاج التواصل خاص #creatorsearchinsights #فرنسا🇨🇵_بلجيكا🇧🇪_المانيا🇩🇪_اسبانيا🇪🇸 #liveincentiveprogram #كندا #المملكة_الاردنية_الهاشمية - @sheikhabufat